ព័ត៌មានជាតិ

ឃាត់ខ្លួនជនសង្ស័យ ២នាក់ ពាក់ព័ន្ធនឹងករណីប្រើប្រាស់គ្រឿងញៀន

ភ្នំពេញ: ជនសង្ស័យ ២នាក់ ត្រូវសមត្ថកិច្ចខណ្ឌឫស្សីកែវ សហការជាមួយសមត្ថកិច្ចប៉ុស្តិ៍ទួលសង្កែ ធ្វើការឃាត់ខ្លួនពាក់ព័ន្ធនឹងករណីប្រើប្រាស់គ្រឿងញៀន កាលពីវេលាម៉ោង ១២និង៣០នាទីយប់រំលងអធ្រាត្រឈានចូលថ្ងៃទី១៧ ខែតុលា ឆ្នាំ២០១៦ ដែលស្ថិតនៅចំណុចមុខផ្សារសាមគ្គី ផ្លូវលេខ៥៩៨ ក្រុម៩ ភូមិទួលគោក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

ជនសង្ស័យទី១.ឈ្មោះ ទិន ធារិទ្ធ ហៅរិទ្ធ ភេទប្រុស អាយុ២៤ឆ្នាំ មុខរបរ កម្មករសំណង់ ស្នាក់នៅក្នុងការដ្ឋានសំណង់ វិមានភ្នំពេញ ផ្លូវលេខ៥៩៨ ស្ថិតនៅក្នុងសង្កាត់ច្រាំងចំរេះ២ ខណ្ឌឫស្សីកែវ មានស្រុកកំណើត ភូមិជ្រួលថ្មី ឃុំរក្សជ័យ ស្រុកបាភ្នំ ខេត្តព្រែងវែង និងទី២ ឈ្មោះ ឌី ប្រឹមប្រិយ ហៅក្លឹប ភេទប្រុស អាយុ១៨ឆ្នាំ មុខរបរ មិនពិតប្រាកដ ស្នាក់នៅផ្លូវលំ ក្រុម៥ ភូមិទួលគោក សង្កាត់ទួលសង្កែ ខណ្ឌឫស្សីកែវ។

សមត្ថកិច្ចបានប្រាប់ឲ្យដឹងថា នៅមុនពេលកើតហេតុ កម្លាំងសមត្ថកិច្ចបានធ្វើការជិះ ល្បាតនៅក្នុងមូលដ្ឋាន ដើម្បីការពារសុវត្ថិភាព ជូនបងប្អូនប្រជាពលរដ្ឋ ក៏ដូចជា ទប់ស្កាត់នូវបទល្មើស លួច ឆក់ ប្លន់ និងគ្រឿងញៀន ខណ:ពេលដែលកម្លាំងសមត្ថកិច្ចកំពុងជិះល្បាត ស្រាប់តែបានប្រទះឃើញជនសង្ស័យ ២នាក់ និងកាបូបស្ពាយមួយ ហើយសមត្ថកិច្ច បានធ្វើការឃាត់ខ្លួន ឆែកឆេររកឃើញឧបករណ៍ប្រើប្រាស់គ្រឿងញៀនមួយចំនួន  ទើបសមត្ថកិច្ចធ្វើការឃាត់ខ្លួន យកមកប៉ុស្តិ៍នគរបាលទួលសង្កែ ដើម្បីធ្វើការសាកសួរ។

បច្ចុប្បន្នជនសង្ស័យទាំង២នាក់ ត្រូវសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿង បញ្ជូនទៅកាន់តុលាការ ចាត់ការបន្តតាមនីតិវិធីច្បាប់៕

photo_2016-10-17_15-00-40

photo_2016-10-17_15-00-43

photo_2016-10-17_15-00-45

មតិយោបល់