ខណៈនេះ អគ្គិភ័យកំពុងឆាបឆេះលំនៅដ្ឋានប្រជាពលរដ្ឋមួយកន្លែងជាន់ទី៣ក្បែរផ្សារទួលសង្កែ

ភ្នំពេញៈ ខណៈនេះ មានសេចក្តីរាយការណ៍មកថា អគ្គិភ័យបាននិងកំពុងឆាបឆេះផ្ទះប្រជាពលរដ្ឋមួយកន្លែង លក់គ្រឿងអគ្គិសនី យីហោ ឡាយ វ៉េងឃាង ផ្ទះលេខ៩៣អា ផ្លូវ៩៣ នៅជិតស្ថានីយ៍ប្រេងឥន្ទនៈតេលា ក្បែរផ្សារទួលសង្កែ ក្នុងសង្កាត់ស្រះចក ខណ្ឌដូនពេញ ជាប់ព្រំប្រទល់និងខណ្ឌឬស្សីកែវ រាជធានីភ្នំពេញ។

តាមសេចក្តីរាយការណ៍បឋម បានឲ្យដឹងថា អគ្គិភ័យបាននិងកំពុងឆាបឆេះជាខ្លាំង ខណៈតំបន់នោះត្រូវបានគេរាយការណ៍មកថា ជាកន្លែងស្មុគស្មាញ ឬគ្រោះថ្នាក់បំផុត។ ទោះជាយ៉ាងណាករណីនេះសមត្ថកិច្ចបាននិងកំពុងចេញរថយន្តពន្លត់អគ្គិភ័យចំនួន៣គ្រឿង របស់ស្នងការដ្ឋាននគរបាលរាជធានីភ្នំពេញ ចេញមកអន្តរាគមន៍។

បើតាមការឲ្យដឹងពីភ្នាក់ងារព័ត៌មានរបស់យើងបានឲ្យដឹងថា ម្ចាស់ផ្ទះកើតហេតុខាងលើនេះ មានឈ្មោះ ឡាយ វ៉េងឃាង មុខរបរលក់ដូរ ហើយមូលហេតុនេះការឆាបឆេះនេះ គឺបណ្តាលមកពីការទុស្សេចរន្តអគ្គិសនីចេញពីជញ្ជាំងក្នុងបន្ទប់ស្តុកឥវ៉ាន់។