ខ្សែប្រយុទ្ធឆ្នើម កែវ សុខផេង ទទួលបានកាដូរចិញ្ចៀនពេជ្រមួយ តម្លៃជាង៦ពាន់ដុល្លាអាមេរិក ពីបងប្រុសរបស់ខ្លួនគឺ កែវ សុខង៉ន ក្រោយទាត់បញ្ចួលទីប្រ៊ុយណេ ឲ្យកម្ពុជាឈ្នះ ៣ – ០ ម្សិលមិញ។

ក្រោយចប់ការប្រកួតគេមានសរសេរថ្លែងអំណរគុណបងប្រុសលើបណ្តាញសង្គមយ៉ាងដូច្នេះ៖ ” អរគុណបងប្រុសKEOSOKNGONខាំ្លងណាស់ដែលឲ្យកាដូរចិញ្ចៀនពេជ្រឲ្យខ្ញុំទាត់ចូលព្រុយនេមួយគ្រាប់ម្សិលមិញ”។

ចំណែក កែវ សុខង៉ន ក៏បានសរសេរអារម្មណ៍ពិតរបស់គេដែរថា៖ ” គ្មានអ្វីឲ្យប្អូនច្រើនទេ Keo Sokpheng មានតែទឹកចិត្តប៉ុណ្ណឹង ព្រោះប៉ា នឹង ម៉ាក់ នៅឆ្ងាយ ។ ក្នុងនាមជាបងប្រុស បន្ទាប់ពីរ ប៉ា នឹង ម៉ាក់ ប្អូនត្រូវខំបន្ថែមទៀតដើម្បីអ្នកគាំទ្រ នឹងប្រជាជនកម្ពុជាយើង ។ ថែរក្សាសុខភាពផងប្អូនប្រុស “។

នេះជាលើកទី១ហើយ ដែលបងប្អូនត្រកូលកែវទាំងពីរបង្ហាញកាដូរឲ្យគ្នាជាសាធារណ:។ បច្ចុប្បន្ន កែវ សុខង៉ន កំពុងហ្វឹកហាត់ត្រៀមបើករដូវកាលថ្មីជាមួយក្លឹបភ្នំពេញក្រោន ខណ: កែវ សុខផេង នៅជាប់ភារកិច្ចជាមួយជម្រើសជាតិនៅឡើយ។