ស្ទឹងត្រែងៈ អាវុធហត្ថលើផ្ទៃប្រទេសបានឃាត់រថយន្តដឹកឈើសុក្រំ១គ្រឿង ព្រមទាំងឃាត់ខ្លួនមនុស្សចំនួន៣នាក់កាលពីថ្ងៃទី២៤ ខែតុលា ឆ្នាំ២០១៦ ម្សិលមិញ ត្រង់ចំណុចហួស ផ្លូវបំបែកទៅខេត្តព្រះវិហារ ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។

ចំពោះការចាប់រថយន្តដឹកឈើខាងលើនេះ សមត្ថកិច្ចបានឃាត់ខ្លួនជនសង្ស័យចំនួន នាក់ ហើយរថយន្តដែលសមត្ថកិច្ចចាប់បាននោះគឺជាប្រភេទរថយន្តសាំយ៉ុង ពណ៌សំបកឪឡឹក ពាក់ស្លាក់លេខ ភ្នំពេញ2C-1808 ក្នុងរថយន្តនោះផ្ទុកឈើប្រភេទសុក្រំពាក់កណ្តាលរថយន្តផងដែរ។

បច្ចុប្បន្ន ជនសង្ស័យ៣នាក់ដែលអាវុធហត្ថលើផ្ទៃប្រទេសឃាត់ខ្លួននោះ ត្រូវបានប្រគល់ជូនកម្លាំងជំនាញរដ្ឋបាលព្រៃឈើខេត្តដើម្បីចាត់ការតាមច្បាប់ ចំណែករថយន្តត្រូវបានអូសយកទៅរក្សាទុកក្នុងខណ្ឌរដ្ឋបាលព្រៃឈើខេត្ត៕