ផ្ទះ ព័ត៌មានជាតិ ​ស្រវឹងស្រាឡើ...

​ស្រវឹងស្រាឡើង​ដើម​​ស្តៅ ​ដើម្បីបញ្ចប់​ជីវិត

0

សៀមរាប: ​​​បុរស​ម្នាក់ ​បានសម្រេច​ចិត្ត​យក​កន្សែង​ចងក​បញ្ចប់ជីវិត​ខ្លួនឯង​នៅលើ​ដើម​ស្តៅកម្ពស់​៣​ម៉ែត្រកន្លះ​នៅ​ឯវាស្រែ​ កាលពី​វេលា​ម៉ោង​៨និង​៥​នាទី​ព្រឹក​ នៅ​ថ្ងៃទី​១ ខែវិច្ឆិកា ឆ្នាំ​២០១៦ នៅ​ភូមិ​គោក​ពោធិ ឃុំ​ដូន​កែវ ស្រុក​ពួក ខេត្តសៀមរាប។

លោក​វរសេនីយ៍ត្រី ទេព ពុំសែន អធិការនគរបាល​ស្រុក​ពួក​បាន​ឲ្យ​ដឹងថា​ ជនរងគ្រោះ​មានឈ្មោះ សែម សឿ​ម ភេទ​ប្រុស អាយុ​៥១​ឆ្នាំ ​មុខរបរ​ធ្វើស្រែ​រស់នៅ​ក្នុងភូមិ​កើតហេតុ​​ខាងលើ​​។

លោក​បានបន្ត​ថា​ ​ក្រោយពី​សមត្ថកិច្ច​នគ​របាល​ពិនិត្យ​សាកសពរួច ឃើញថា​ជនរងគ្រោះ​ពិតជា​បាន​ចងក​​សម្លាប់​ខ្លួនឯង​នឹង​កន្សែង​មែន។ ​​យោង​ទៅតាម​ការ​បំភ្លឺ​រប​ស់​ក្រុម​គ្រួសារ​សព​​​ប្រាប់​សមត្ថកិច្ច​នគរបាល​ថា ​​ជនរងគ្រោះ ​ជា​មនុស្ស​ញៀន​ស្រា​ជាប្រចាំ ​ធ្វើ​ឲ្យ​គាត់​មាន​ជំងឺ​សរសៃ​ប្រសាទអស់​រយ:ពេល​២​ឆ្នាំមកហើយ​។

​បច្ចុប្បន្ន ​សព​ត្រូវ​ក្រុម​គ្រួសារ​ចាត់ចែង​រៀបចំ​ធ្វើបុណ្យ​ទៅតាម​ទំនៀម​ទម្លាប់​ប្រពៃណី​៕

14915533_353162045035441_1148362112668434603_n

14956402_353162048368774_4971532142495197810_n

Loading...