ផ្ទះ ព័ត៌មានជាតិ ពិធីផ្សព្វផ្ស...

ពិធីផ្សព្វផ្សាយ​ស្តីពី​ ការ​ធ្វើ​សម្រង់​ព័ត៌មាន​បញ្ហា​បទល្មើស ​និង​សន្តិសុខ​សុវត្ថិភាព​ក្នុង​មូលដ្ឋាន

0

សៀមរាប: ​នៅ​ព្រឹក​ថ្ងៃទី​៣ ​ខែវិច្ឆិកា ឆ្នាំ​២០១៦ ​នៅ​សាលប្រជុំ​ស្នងការដ្ឋាន​នគរបាល​ខេត្ត​សៀមរាប ​មាន​រៀប​ចំ​ពិធី​​ផ្សព្វផ្សាយ ​ស្តីពី​ការ​ធ្វើ​សម្រង់​ព័ត៌មានបញ្ហា​បទល្មើស និង​សន្តិសុខ សុវត្ថិភាព​ក្នុង​មូលដ្ឋាន។

​ពិធីនេះ ​មាន​ការ​ចូលរួម​ពីលោកឧ​ត្ត​ម​សេនីយ៍​ត្រី ក័​ន្ត សម្បត្តិ ស្នងការរង ជា​ប្រធាន​សេនា​ធិការ ជា​តំណាង​លោក​ឧ​ត្ត​ម​សេនីយ៍​ទោ សត ណា​ឌី ស្នងការ​នគរបាល​ខេត្តសៀមរាប និង​អស់​លោកអធិការ អធិការរង​ទទួលបន្ទុក​កិច្ចការ​ប៉ុស្តិ៍ទាំង​១២​ក្រុង​-​ស្រុក ​លោកនាយ នាយរង ប៉ុស្តិ៍នគរបាល​រដ្ឋបាល​ទាំង​១០០​ចំណុះ​ស្នងការដ្ឋាន​នគរ​បាល​ខេត្តសៀមរាប ក៏​បាន​អញ្ជើញ​ចូលរួម​ជា​សិក្ខាកាម​ផងដែរ​។

​ជា​កិច្ច​ចាប់ផ្ដើម​លោក​ឧ​ត្ត​ម​សេនីយ៍​ត្រី ក័​ន្ត សម្បត្តិ ស្នងការរង​បាន​ធ្វើការ​ណែនាំ ​​​​ដល់​សិក្ខាកាម​ទាំង​អស់​ត្រូវ​យកចិត្តទុកដាក់ ស្តាប់​ការ​ពន្យល់​នូវ​ទ្រឹស្ដីរបស់​គ្រូ​ឧទ្ទិស​នាម ហើយ​ត្រូវ​ហ៊ាន​ក្លាហាន​សួរ​សំណួរ​ ដែល​ទាក់ទង​ទៅ​នឹង​វគ្គ​ផ្សព្វផ្សាយ​ខាង​លើនេះ ​ដើម្បី​ជា​ទុន​មួយ​សម្រាប់​យើង​ទាំងអស់គ្នា​យកទៅអនុវត្ត និង​បំពេញភារកិច្ច​ជំនាញ​ឲ្យ​បាន​ត្រឹមត្រូវ ​ហើយ​ចំ​គោលដៅ​នៅពេល​ដែល​យើង​ទាំងអស់គ្នា ត្រឡប់​ទៅ​អង្គភាព ឬ​មូលដ្ឋាន​វិញ ហើយ​លោក​ឧ​ត្ត​ម​សេនីយ៍ស្នងការរង​បាន​ប្រកាស​បើក​វគ្គ​ផ្សព្វផ្សាយ​ចាប់​ពីពេលនេះ​តទៅ​។

លោក​វរសេនីយ៍ឯក អ៊ុ ហ៊ាង នាយការិយាល័យ​នគរបាល​កិច្ចការ​ប៉ុស្តិ៍ នគរបាល​រដ្ឋបាលខេត្ត​សៀមរាប បាន​ឡើង​អាន​សេចក្តីណែនាំរបស់​អគ្គ​ស្នងការដ្ឋាន​នគរបាលជាតិ ​ស្តីពី​ការពង្រឹង​បន្ថែម​ប្រសិទ្ធភាព​ការងារ​ប៉ុស្តិ៍នគរបាលរដ្ឋបាល ដើម្បី​លើកកម្ពស់​តួនាទី​របស់​ប៉ុស្តិ៍នគរបាល ​ឲ្យ​ចូលរួម​សកម្ម​ក្នុងការ​អនុវត្តន៍​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៣ របស់ រាជរដ្ឋា​ភិបាល​កម្ពុជា អនុវត្ត​គោលការណ៍​ដឹកនាំ​របស់​ក្រសួងមហាផ្ទៃ និងផែនការ​យុទ្ធសាស្ត្រ​រយ:ពេល​៥​ឆ្នាំ លើក​ទី​២ ​របស់​នគរបាលជាតិ​ អគ្គស្នងការដ្ឋាន​នគរបាលជាតិ។

លោក​អនុសេនីយ៍ឯក ហ៊​ន បូ​វុ​ធ នាយរង​កា​រិ​យា​ល័យ​នគរបាល​កិច្ចការ​ប៉ុស្តិ៍ បាន​ឡើង​ធ្វើ​បទ​បង្ហាញ​ស្តីពី​ការបញ្ចូលទិន្នន័យក្នុង​តារាង​គម្រូ​ទាំង៤ ​ដោយ​លោក​បាន​បញ្ជាក់​លម្អិត​ទៅ​តាម​តារាង​នីមួយៗ ​ក្នុងនោះ អស់លោក លោកស្រី បាន​សួរ​សំណួរ​មួយ​ចំនួន​ ទាក់ទង​នឹង​ការបញ្ចូល ទិន្នន័យ​ក្នុង​តារាង​គម្រូ​ទាំង៤​ខាងលើ​ ក្នុងនោះ​គ្រូ​ឧទ្ទិស​នាម និង​អ្នកស្រីតំណាង​អង្គការ CPI ​បានធ្វើការ​បក​ស្រាយ​រាល់​ចម្ងល់ ឬសំណួរ បាន​យ៉ាង​ក្បោះក្បាយ ជូន​អស់លោក លោកស្រី ដើម្បី​ជា​ប្រយោជន៍​រួម សំរាប់​យក​ទៅអនុវត្ត​ន៍ នៅក្នុង​អង្គភាព ឬមូលដ្ឋាន​វិញ​ប្រកប​ទៅដោយ​ប្រសិទ្ធភាព​ខ្ពស់​៕

កម្មវិធីផ្សព្វផ្សាយ

កម្មវិធីផ្សព្វផ្សាយ

កម្មវិធីផ្សព្វផ្សាយ

កម្មវិធីផ្សព្វផ្សាយ

កម្មវិធីផ្សព្វផ្សាយ

កម្មវិធីផ្សព្វផ្សាយ

កម្មវិធីផ្សព្វផ្សាយ

Loading...