បាត់ដំបង:ករណីគ្រោះថ្នាក់ចរាចរ បានកេីតឡេីង រវាងម៉ូតូ បើកគេច គោយន្តកន្ត្រៃ ដឹកដំឡូង ក្នុងស្ថានភាពទិសដៅបញ្ច្រាសគ្នា បណ្តាលឱ្យផ្លោងចូលប្រឡាយ របូសធ្ងន់ ស្រាល ៣នាក់ កើតហេតុលេី កំណាត់ផ្លូវជាតិ លេខ៥៩ ចន្លោះគ.ម លេខ 83-84 ស្ថិតក្នុង ភូមិអូរ ឃុំពេជ្រចិន្តា ស្រុកភ្នំព្រឹក នាវេលាម៉ោង០៦:៣០នាទី ល្ងាចថ្ងៃទី០១ ឧសភា ២០១៦ នេះ។

មន្ត្រីនគរបាល បានឱ្យភ្នាក់ងារ Post News ដឹងថា ជនរងគ្រោះ ជិះម៉ូតូម៉ាក Honda dream សេរីឆ្នាំ 2013 ពាក់ស្លាកលេខ បាត់ដំបង 1O-0089 បេីកបរដោយឈ្មោះ ផុន ដាវីដ ភេទ ប្រុស អាយុ ២១ឆ្នាំ (របួសស្រាល) អ្នករួមដំណេីរឈ្មោះ ផុន សុធា ភេទ ប្រុស អាយុ ២៤ឆ្នាំ (របួសបាក់ជេីងឆ្វេង) និងឈ្មោះ ហួរ សីហា ភេទប្រុស អាយុ ១៩ឆ្នាំ (របួសបាក់ជេីងឆ្វេង) អ្នកទាំង ៣នាក់ រស់នៅ ភូមិអូរ ឃុំពេជ្រចិន្តា ស្រុកភ្នំព្រឹក ជាមួយគ្នា។ ចំណែក ភាគីគោយន្ត បេីកបរដោយឈ្មោះ សែន ផា ភេទ ប្រុស អាយុ ២១ឆ្នាំ រស់នៅ ភូមិអូរ ឃុំពេជ្រចិន្តា ស្រុកភ្នំព្រឹក។

មូលហេតុ នៃគ្រោះថ្នាក់នេះ សាក្សីក្នុងកន្លែងកើតហេតុ បានឱ្យដឹងថា ភាគីម៉ូតូ បេីកបរក្នុងល្បឿនលឿន ទិសដៅបញ្ច្រាសទិសគ្នា ស្របពេលគោយន្ត បត់ចូលផ្ទះ ក៏គេច បណ្តាលឱ្យជ្រុលចង្កូត ផ្លោងធ្លាក់ចូលប្រឡាយ រងគ្រោះតែម្តង។

បច្ចុប្បន្ន ជនរងគ្រោះ ត្រូវបានបញ្ជូនទៅសង្គ្រោះនៅ មន្ទីពេទ្យបង្អែក ស្រុកសំពៅលូន ចំណែកមធ្យោបាយបង្ករហេតុ សម្ថកិច្ច យកមករក្សាទុក នៅអធិការដ្ឋាននគរបាល ស្រុកភ្នំព្រឹក រងចាំដោះស្រាយ តាមនីតិវិធីច្បាប់៕