ភ្នំពេញ: នារី ២នាក់ជិះម៉ូតូមកពីដើរលេងនៅ កោះពេជ្រ ត្រូវបានជនសង្ស័យ ២នាក់ជិះម៉ូតូម៉ាក Zoomer-X ១គ្រឿង ប្រដាប់ដោយអាវុធខ្លី ១ដើមមិនស្គាល់ម៉ាក ធ្វើសកម្មភាពភ្ជង់ ប្លន់យកម៉ូតូទៅបាត់ ដោយសុវត្ថិភាព ត្រង់ចំនុចផ្លូវ១២៥ កែង១៨២ ស្ថិតក្នុងសង្កាត់បឹងព្រលឹត ខណ្ឌ៧មករា នាម៉ោង១១៖០០នាទី ថ្ងៃទី១ ខែឧសភា ឆ្នាំ២០១៦នេះ។

បើតាមសម្តីនារីរងគ្រោះ ទាំង ២នាក់ បានប្រាប់ថា មុនកើតហេតុ គឺនារីរងគ្រោះ ទាំង ២នាក់ បានជិះម៉ូតូម៉ាក Zoomer-X ពណ៍ខ្មៅ ពាក់ស្លាកលេខ ភ្នំពេញ 1FT-9671 លុះមកដល់ចំណុចកើតហេតុ ក៏លេចមុខជនល្មើស ២នាក់ ជិះម៉ូតូមួយគ្រឿង និងប្រដាប់ដោយកាំភ្លើងខ្លី ១ដើម បានធ្វើសកម្មភាពភ្ចង់ វាយប្លន់យកតែម្តង។ ក្រោយពីក្រុមចោរប្លន់ យកម៉ូតូទៅបាត់ នារីរងគ្រោះទាំង២ បានត្រឹមតែមកដាក់ពាក្យបណ្តឹង នៅប៉ុស្តិបឹងព្រលឹត ទាំងសោកស្តាយ តែប៉ុណ្ណោះ៕