ភ្នំពេញៈ ជនសង្ស័យម្នាក់ ដែលបានធ្វើសកម្មភាពលួចគាស់ផ្ទះយកកុំព្យូទ័របាន១គ្រឿង កាលពី៤ថ្ងៃមុន ត្រូវបានម្ចាស់ផ្ទះប្រទះឃើញចាប់ប្រគល់ឲ្យសមត្ថកិច្ច កាលពីវេលាម៉ោង៩ព្រឹក ថ្ងៃទី១៩ ខែវិច្ឆិកា ឆ្នាំ២០១៦ នៅត្រង់ម្តុំព្រែកទ័ល សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

សមត្ថកិច្ចមូលដ្ឋានបានឲ្យដឹងថា ជនសង្ស័យមានឈ្មោះ ក្រូច ដារាពិសិដ្ឋ អាយុ២៦ឆ្នាំ មុខរបរមិនពិតប្រាកដ ស្នាក់នៅភូមិព្រែកទ័ល សង្កាត់ស្ទឹងមានជ័យ ខណ្ឌមានជ័យ។ ជនសង្ស័យបានធ្វើសកម្មភាពលួចគាស់ផ្ទះប្រជាពលរដ្ឋនៅក្រោយវត្តនន្ទមុនី ស្ថិតក្នុងភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង៩ព្រឹក ថ្ងៃទី១៦ ខែវិច្ឆិកា ឆ្នាំ២០១៦ ដោយលួចយកcomputerមួយគ្រឿងបានសម្រេច។

លុះដល់វេលាម៉ោង៩ព្រឹក ថ្ងៃទី១៩ ខែវិច្ឆិកា ឆ្នាំ២០១៦ ម្ចាស់ផ្ទះ បានប្រទះឃើញជនសង្ស័យខាងលើចូលទៅទិញគ្រឿងញៀនជក់នៅម្តុំព្រែកទ័ល សង្កាត់ស្ទឹងមានជ័យ ខណ្ឌមានជ័យ ក៏ឃាត់ខ្លួនប្រគល់ឲ្យសមត្ថកិច្ចប៉ុស្តិ៍ស្ទឹងមានជ័យតែម្តង។

បច្ចុប្បន្ន ជនសង្ស័យខាងលើ ត្រូវបាននាំខ្លួនមកសាកសួរនៅប៉ុស្តិ៍ស្ទឹងមានជ័យដើម្បីចាត់ការតាមនីតិវិធីច្បាប់៕

https://youtu.be/vvOArGZOE4Y