ប៉ៃលិនៈ ពុទ្ធបរិស័ទជាច្រើននាក់ បានប្រតិកម្ម រហូតប្ដឹងអាជ្ញាធឲ្យឃាត់ព្រះចៅអធិការវត្តអូរឈើក្រំស្ថិតនៅក្នុងវត្តខណ្ឌសីមារាម ហៅវត្តអូរឈើក្រំ ស្ថិតក្នុងភូមិអូរឈើក្រំ ឃុំស្ទឹងកាច់ ស្រុកសាលាក្រៅ បន្ទាប់ពីចោទថា ព្រះអង្គលួចឆាន់ស្រីក្មេង ដែលមានរូបរាងស្រស់ស្អាតសាច់សរខ្ចី។

កាលពីវេលាម៉ោង៧និង៣០នាទីព្រឹកថ្ងៃទី១៨ ខែវិចិ្ឆកា ឆ្នាំ២០១៦ មានការភ្ញាក់ផ្អើលមួយបានកើតឡើងនៅក្នុងបរិវេណវត្ត គ្រាដែលអាជ្ញាធរមានសមត្ថកិច្ចចុះទៅទីនោះ និងនិមន្តព្រះចៅអធិការវត្តទៅសួរនាំ ឬមានវិធានការទៅតាមវិន័យព្រះសង្ឃ ក្រោយពេលអ្នកភូមិនៅទីនោះចោទថា ព្រះចៅអធិការអង្គនេះ មានទំនាក់ទំនងស្នេហាជាមួយស្រី ដោយនាងបានចូលទៅក្នុងសាលាឆាន់តែម្នាក់ឯងពេលយប់ បន្ទាប់មកអ្នកភូមិក៏នាំគ្នាចាំយាមមិនឱ្យចេញទៅណា រហូតដល់ព្រឹក ទើបបឹ្តងអាជ្ញាធរ និងសមត្ថកិច្ចឱ្យចុះទៅត្រួតពិនិត្យតែម្តង។

ពាក់ព័ន្ធនឹងបញ្ហាចោទប្រកាន់ព្រះចៅអធិការវត្តអូរឈើក្រំនេះ Post News នៅល្ងាចថ្ងៃទី១៩ វិច្ឆិកា មិនអាចទំនាក់ទំនងសុំការបំភ្លឺបានទេ ហើយអង្គភាពយើងខ្ញុំនឹងរង់ចាំបកស្រាយគ្រប់ពេលវេលា ប្រសិនបើព្រះអង្គរងភាពអយុត្តិធម៌៕