រតនគីរីៈ នៅវេលាម៉ោងប្រហែល ២ ទៀបភ្លឺថ្ងៃទី២០ ខែវិច្ឆិកានេះ មានករណីចោកម្មលួចម៉ូតូមួយគ្រឿង ម៉ាក់វ៉េវ ពណ៍ខ្មៅ សេរី២០១៤ នៅចំណុចក្រុមហ៊ុនម៉ាងយ៉ាងខេ ស្ថិតក្នុងភូមិកាឡៃសាពូន ឃុំភ្នំកុក ស្រុកវើនសៃ ខេត្តរតនគីរី។

ជនរងគ្រោះឈ្មោះសុខ សុត ភេទប្រុសអាយុ២៧ ឆ្នាំ ជនជាតិខ្មែរ បច្ចុប្បន្នធ្វើជាកម្មករក្រុមហ៊ុនម៉ាងយ៉ាង។

ក្រោយទទួលព័ត៍មានបានភ្លាមៗ កម្លាំងអធិការស្រុកអូរជុំ បានឃាត់មុខសញ្ញាលួចបាន ឈ្មោះគី ហេង ភេទប្រុសអាយុ៣០ឆ្នាំ ជនជាតិខ្មែរ មុខរបរធ្វើកម្មករ ក្រុមហ៊ុនម៉ាងយ៉ាង មានស្រុកកំណើត ភូមិសុខសាន្ត ឃុំអូរពីរ ស្រុកកំពង់សោម ខេត្តព្រះសីហនុ ។

បច្ចុប្បន្នសមត្ថកិច្ច កំពុងសាកសួរ ដើម្បីកសាងសំណុំរឿងតាម​នីតិវិធី រួចបញ្ជូនទៅអយ្យការអម​សាលាដំបូងខេត្ត៕