ព័ត៌មានជាតិ

កក្រើកទៀតហើយ! ចាប់បានហ៊ីយ៉ាន់ដាយ​១​​គ្រឿងចំណុះ​១០​តោន​ ដឹក​ឈើ​ប្រណីត​​

រតនគិរី:​​ កម្លាំង​នគ​របាល​ប្រឆាំង​បទល្មើស​សេដ្ឋកិច្ច​ខេត្ត​ សហការ​ជាមួយ​នគ​របាល​ប្រឆាំង​បទល្មើស​សេដ្ឋកិច្ច​ក្រសួង​ បាន​ចុះ​បង្ក្រាប​រថយន្ត​ហ៊ីយ៉ាន់ដាយ​​ដឹក​ឈើ​ប្រណីត​១​គ្រឿង​យក​មក​ស្នងការខេត្ត​ទាំងយប់​។

លោក នូវ ដា​រា នាយ​នគ​របាល​ការិយាល័យ​ប្រឆាំង​បទល្មើស​សេដ្ឋកិច្ច​ខេត្ត​ បានឲ្យ​ដឹង​ថា​ នៅ​ម៉ោង​២​និង​៤៥​នាទី​ទៀបភ្លឺ​ ថ្ងៃទី​​២១​ ​ខែ​វិច្ឆិកា ​ឆ្នាំ​២០១៦​នេះ​ ​សមត្ថកិច្ច​ចាប់​​​រថយន្ត​ម៉ាក​ហ៊ី យ៉ាន់ដាយ ​ចំណុះ​១០តោន​ ពាក់​ស្លាក​លេខ ​ក្រចេះ​៣A-0410​​ នៅ​ចំណុច​ផ្លូវជាតិលេខ​៧៨ ​ក្នុង​ភូមិ​សោម​ត្រក់​ ឃុំប៉ក់​ញ៉ៃ ​ស្រុកអូ​រយ៉ា​ដា​ ខេត្តរតនគិរី​។ ​ចំណែក​ម្ចាស់​រថយន្ត​ និង​តៃកុង​បាន​រត់​គេច​ខ្លួនបាត់ ។ ​ដោយឡែក វត្ថុតាង​ត្រូវ​រឹបអូស​យ​កមក​រក្សាទុក​នៅ​ស្នងការដ្ឋាន​នគ​របាល​ខេត្ត​ដើម្បី​ចាត់ការ​បន្ត​តាម​ផ្លូវ​ច្បាប់​។

ប្រភព​ពីកន្លែងកើតហេតុបានឲ្យប្រាប់​ថា រថយន្ត​ដឹក​បទល្មើស​ឈើ​ប្រ​ណីត​ខាងលើ​ គឺ​បើ​ក​លើ​បណ្តោយ​ផ្លូវជាតិ​លេខ​៧៨ ​ក្នុងស្រុក​អូរ​យ៉ាង ​ឆ្ពោះ​ទៅកាន់​ប្រទេស​វៀតណាម ​តាម​ច្រកទ្វារ​អន្តរជាតិ​(​អូ​រយ៉ា​ដាវ​-លេ​ថា​ញ់​)​ ​តែ​សង្ស័យ​មានការ​ខ្វែងគំនិត​គ្នា​របស់សមត្ថកិច្ចទើប​មានការ​បង្ក្រាបនេះ​។

គួរ​បញ្ជាក់ថា ​បទល្មើស​ឈើ​នៅ​ខេត្តរតនគិរី​ ក្រោយពី​មានការ​ស្ងប់ស្ងាត់​មួយ​​រយ:មក​ ​ឃើញថា​មានការ​ផុលផុស​ឡើងវិញ​ ព្រោះ​ការ​ប្រព្រឹត្តទៅ​នៃ​ក្រុម​ជនល្មើស ​និង​អជ្ញាធរ ​កង​កម្លាំង​មានការ​ត្រូវរ៉ូវ​គ្នា​ស៊ីតាម​ជំនាញ​៕

បទល្មើសព្រៃឈើ

បទល្មើសព្រៃឈើ

បទល្មើសព្រៃឈើ

បទល្មើសព្រៃឈើ

បទល្មើសព្រៃឈើ

មតិយោបល់