ព័ត៌មានជាតិ

ចាប់ខ្លួនជនសង្ស័យម្នាក់ ដែលប៉ុនប៉ងលួចម៉ូតូមិនបានសម្រេច

ភ្នំពេញ: ជនសង្ស័យម្នាក់ ត្រូវបាននគរបាលប៉ុស្តិ៍បឹងសាឡាងបានធ្វើការឃាត់ខ្លួននៅថ្ងៃទី២១ ខែវិច្ឆិកា ឆ្នាំ២០១៦ វេលាម៉ោងប្រហែល៤:៥០នាទីជិតភ្លឺ ពីបទប៉ុនប៉ងលួចម៉ូតូ កើតហេតុនៅផ្ទះលេខ១២៤ផ្លូវលេខ២៥៥ ក្រុមទី៩ ភូមិ៣ សង្កាត់បឹងសាឡាង ខណ្ឌទួលគោក។

ជនរងគ្រោះឈ្មោះ ហុង ពិសិដ្ឋ ភេទប្រុស អាយុ៣១ឆ្នាំ មុខរបរនគរបាលជាតិ ស្នាក់នៅផ្ទះលរខ១២៤ ផ្លូវលេខ២៥៥ ក្រុមទី៩ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ។

ជនសង្ស័យឈ្មោះ រិន សុវណ្ណឌី ហៅ សូ សុភ័ក្រ្តភេទប្រុស អាយុ៣៨ឆ្នាំ មុខរបររត់ម៉ូតូឌុប ស្នាក់នៅផ្ទះជួល សង្កាត់ទួល សង្កែ ខណ្ឌឬស្សីកែវ រាជធានីភ្នំពេញ។ បើតាមសមត្ថកិច្ចបានឲ្យដឹងថា មុនពេលកើតហេតុជនសង្ស័យបាន ទៅជួបបក្ខពួករបស់ខ្លួនម្នាក់ទៀតឈ្មោះហៅ រិទ្ធ ភេទប្រុស អាយុប្រហែល ៤០ឆ្នាំ មិនស្គាល់ទីលំនៅផ្ទះជួលនៅម្តុំផ្សារ៧មករា នៅម្តុំរង្វង់មូលផ្សារចាស់រួចជិះម៉ូតូ១គ្រឿងម៉ាកហុងដា សេ១២៥ ពណ៌ខ្មៅសេរីឆ្នាំ២០១៦ មិនចាំស្លាកលេខ ដឹកគ្នាមកកន្លែងកើតហេតុដោយឲ្យបក្សពួករបស់ខ្លួនឈប់រង់ចាំនៅមុខផ្ទះ រីឯរូបខ្លួនបានចូលទៅក្នុងផ្ទះជនរងគ្រោះធ្វើសកម្មភាពលួចម៉ូតូដែលចតទុកនៅក្នុងផ្ទះ ប៉ុន្តែក្នុងពេលនោះជនរងគ្រោះមើលឃើញទាន់ក៏ស្រែកឆោឡោនិងនាំគ្នាចាប់ជនសង្ស័យបានជាក់ស្តែងនាំយកមកឲ្យសមត្ថកិច្ចនគរបាលប៉ុស្តិ៍បឹងសាឡាងរីឯបក្សពួកម្នាក់ទៀតបានជិះម៉ូតូគេចខ្លួនបាត់ទៅ៕

photo_2016-11-21_19-07-30

photo_2016-11-21_19-07-40

photo_2016-11-21_19-07-42

មតិយោបល់