ភ្នំពេញៈ បុរសម្នាក់សង្ស័យស្រវឹងស្រាបើករថយន្តទៅបុកជាមួយនឹងរថយន្តរបស់គេមួយគ្រឿងទៀត បណ្តាលឲ្យរងការខូចខាត រួចក៏បន្តល្បឿនបើកគេចខ្លួនមកសម្ងំក្នុងផ្ទះយ៉ាងព្រងើយ ត្រូវបានប្រជាពលរដ្ឋនាំគ្នាស្ទាក់បាន រហូតឈានទៅដល់ការជជែកយកឈ្នះយ៉ាងតឹងសសៃក ។

ហេតុការណ៍នេះបានកើតឡើងកាលពីវេលាម៉ោង ១០និង៥០នាទី យប់ថ្ងៃទី២១ ខែវិច្ឆកា ឆ្នាំ២០១៦ នៅចំណុចស្តុបបែកជាបួន ផ្លូវលេខ១៨៦ ស្ថិតក្នុងសង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់សង្ស័យស្រវឹង បានបើករថយន្តម៉ាក កូរូឡា មួយគ្រឿង ពាក់ស្លាកលេខភ្នំពេញ 2AD-7506 ក្នុងល្បឿនលឿនខ្វះការប្រុងប្រយត្ន័ បើកទៅបុកចំពីក្រោយរថយន្តម៉ាក កូរូឡា ដូចគ្នា ពាក់ស្លាកលេខ ភ្នំពេញ 2K-3544 យ៉ាងពេញទំហឹង បណ្តាលឲ្យរថយន្តរងការខូចខាតខាងក្រោយផ្នែកចំហៀងខាងឆ្វេង បន្ទាប់មករថយន្តបង្កបានព្យាយាមបើករត់គេចខ្លួនមកដល់ផ្ទះវិញ នៅតាមផ្លូវលេខ១៨៦ តែត្រូវបានប្រជាពលរដ្ឋដេញតាមស្ទាក់បាន ប៉ុន្តែជនបង្កបានបើករថយន្តចូលទៅទុកក្នុងផ្ទះយ៉ាងព្រងើយទៅវិញ។

មិនតែប៉ុណ្ណោះអ្វីដែរគួរឲ្យភ្ញាក់ផ្អើលនោះគឺជនបង្ក បានចេញមកបញ្ចេញចរិក ច្រង៉េងច្រង៉ាង មិនដឹងអាងខ្សែអ្នកធំខាងណាទេ បានប្រើពាក្យសម្តីមិនសមរម្យលើជនរងគ្រោះ និងសមត្ថកិច្ចរួមនិងអ្នកព័ត៌មានដែរកំពុងតែមកផ្តិតយករូបភាពករណីគ្រោះថ្នាក់ចរាចរនេះផងដែរ។ ហើយខណៈនោះជនរងគ្រោះ និងជនបង្កកំពុងតែចរចារគ្នាយ៉ាងតឹងសសៃ.កនោះបុរសអ្នកបើករថយន្តបង្ក បែរជាបញ្ចេញចរិកមិនសមរម្យឆ្លៀតស្រែកជេមកលើបងប្អូនជនរងគ្រោះថែមទៀត បង្កការភ្ញាក់ផ្អើលទាំងកណ្តាលយប់ ៕

https://youtu.be/xN-5bpnLs-M