ក្រុមហ៊ុនអភិវឌ្ឍន៍ភូមិសុបិន បានសហការជាមួយនឹងក្រុមហ៊ុន Amazon Resort ដើម្បីអភិវឌ្ឍលើគម្រោង ដែលមានឈ្មោះថា អភិវឌ្ឍន៍ភូមិសុបិនលើផ្ទៃដី ១៨ ហិកតា នេះបើតាមការឲ្យដឹងពីលោក Horm Haksrue បុគ្គលិកផ្នែកគម្រោងរបស់ក្រុមហ៊ុន Thoroni Real Estate។

លោកបានបន្ថែមថា ពាក់ព័ន្ធទៅនឹងការអភិវឌ្ឍគម្រោងនេះ គឺត្រូវបានចែកចេញជាពីរផ្នែក ដែលផ្នែកទី ១ អភិវឌ្ឍន៍លើគម្រោងពុះដីឡូដ៏ និងលំនៅដ្ឋានលើផ្ទៃដី ៦ ហិកតា និងផ្នែកទី ២ ផ្តោតទៅលើរមណី
ដ្ឋាន តំបន់កម្សាន្តលើផ្ទៃដី ១២ ហិកតា ដែលអភិវឌ្ឍដោយក្រុមហ៊ុន Amazon Resort។

បច្ចុប្បន្នគម្រោងនេះ ដំណើរការបានប្រមាណជា ៣០ ភាគរយហើយដែលគម្រោងទាំងមូល គ្រោងបញ្ចប់ដោយចំណាយរយ:ពេលជាង ២ ឆ្នាំ។

គួរបញ្ជាក់ផងដែរថា គម្រោងនេះ មានទីតាំងស្ថិតនៅ សង្កាត់គងនយ ខណ្ឌដង្កោ រាជធានីភ្នំពេញ៕