គម្រោងអគារ World Trade Center Phnom Penh (WTC) ដែលមានកម្ពស់ ២៣ជាន់ បានសម្ពោធបើកការដ្ឋានសាងសង់ជាផ្លូវការហើយ កាលពីម្សិលមិញនេះ ក្រោមអធិបតីភាពឯកឧត្តម ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។

អគារ WTC នេះ គ្រោងចំណាយទុនជាង ៦៥លានដុល្លារ វិនិយោគដោយក្រុមហ៊ុន WTCPP Management Co., Ltd និងសាងសង់ដោយក្រុមហ៊ុន URATA S.E Cambodia Co., Ltd ដែលសាងសង់ឡើងជា មជ្ឈមណ្ឌលលំដាប់ពិភពលោក ស្របតាមស្តង់ដាជប៉ុន។

គួរជម្រាបថា គម្រោងដ៏ធំមួយនេះ ស្ថិតនៅតាមបណ្តោយផ្លូវ ៤៣០ សង្កាត់ទួលទំពូង២ ខណ្ឌចំការមនភ្នំពេញ៕