រដ្ឋបាលរាជធានីភ្នំពេញ បានបង្ហាញប្លង់ថ្មីស្ពានអាកាស និងផ្លូវក្រោមដីចំណុចរង្វង់មូលចោមចៅ ដែលគ្រោងនឹងបើកការដ្ឋាន នាពេលឆាប់ៗខាងមុខ។
នេះគឺជាសមិទ្ធផលថ្មី ដើម្បីឆ្លើយតបទៅនឹងកំណើនប្រជាជន រហូតដល់ជាង ៣លាននាក់ ដែលកំពុងរស់នៅអចិន្ត្រៃយ៍ ក្នុងទីក្រុងភ្នំពេញ។
ការសាងសង់ផ្លូវអាកាស និងស្ពានក្រោមដី ដោយមើលឃើញថា ក្នុងពេលបច្ចុប្បន្ន ស្ថានភាពចរាចរណ៍ ក្នុងរាជធានីភ្នំពេញ ជាពិសេសនៅចំណុចរង្វង់មូលចោមចៅ មានការកកស្ទះចរាចរច្រើន ហើយចរាចរណ៍នៅផ្លូវជាតិលេខ៤ ផ្លូវជាតិលេខ៣ ផ្លូវចោមចៅ និងមហាវិថីសហព័ន្ធរុស្ស៊ី ចេញចូលមករាជធានីភ្នំពេញ មានការកកស្ទះច្រើន។
សម្រាប់ថ្ងៃអនាគត តំបន់ចោមចៅនេះ បើសិនជាមិនមានការគិតគូរក្នុងលទ្ធភាព ដោះស្រាយបញ្ហាចរាចរណ៍ គឺរឹតតែមានការកកស្ទះច្រើនជាងពេលបច្ចុប្បន្ននេះថែមទៀត។
គួរបញ្ជាក់ដែរថា បច្ចុប្បន្ន រាជធានីភ្នំពេញមានស្ពានអាកាសចំនួន ៤ គឺស្ពានអាកាសតិចណូ ស្ពានអាកាសក្បាលថ្នល់ ស្ពានអាកាសពេទ្យលោកសង្ឃ និងស្ពានអាកាសស្ទឹងមានជ័យ ហើយស្ពានអាកាសផ្សារដីហុយ កំពុងសាងសង់៕
![](https://i0.wp.com/postnews.com.kh/wp-content/uploads/2018/06/35132851_607290822965730_5097302547358547968_n.jpg?fit=960%2C678&ssl=1)
![](https://i0.wp.com/postnews.com.kh/wp-content/uploads/2018/02/27982982_871677129679707_5773179297680009347_o.jpg?fit=1239%2C920&ssl=1)
![](https://i0.wp.com/postnews.com.kh/wp-content/uploads/2018/02/27983440_871677103013043_3217550780760635843_o.jpg?fit=1280%2C492&ssl=1)
![](https://i0.wp.com/postnews.com.kh/wp-content/uploads/2018/02/27913120_871677156346371_3764382615268184654_o.jpg?fit=1280%2C853&ssl=1)
មតិយោបល់