Post News Media អចលន​ទ្រព្យ គិតត្រឹមខែ១២ឆ...

គិតត្រឹមខែ១២ឆ្នាំមុនរហូតដល់បច្ចុប្បន្ន គម្រោងខុនដូ BLUE BAY នៅតែបន្តបុកគ្រឹះនៅឡើយ

បើគិតត្រឹមខែ ១២ឆ្នាំមុនរហូតដល់បច្ចុប្បន្ន គម្រោងខុនដូ BLUE BAY នៅតែបន្តបុកគ្រឹះនៅឡើយ នេះបើយោងតាមការឲ្យដឹងពីបុគ្គលិកផ្នែកលក់នៃគម្រោង BLUE BAY។

កញ្ញា សួគ៌ា បុគ្គលិកផ្នែកលក់គម្រោង BLUE BAY បានឲ្យដឹងថា ដោយសារតែគម្រោងនេះមានកម្ពស់ខ្ពស់ រហូតដល់ ៣៧ជាន់ ហេតុនេះទើបតម្រូវឲ្យក្រុមហ៊ុនចំណាយរយ:ពេលយូរបន្តិច ក្នុងការបុកគ្រឹះនៃអគារទាំងមូល។

ទាក់ទិនទៅនឹងគម្រោងនេះផងដែរ កញ្ញាបានឲ្យដឹងថា ក្រុមហ៊ុនធ្វើការលក់ដោយគិតជា ម៉ែត្រការ៉េ  ជាន់កាន់តែខ្ពស់កាន់តែមានតម្លៃថ្លៃ ដែលជាទូទៅតម្លៃក្នុង​១ម៉ែត្រការ៉េ ពី ២៣០០ដុល្លារអាមេរិក ទៅ ២៦០០ដុល្លារអាមេរិក និងមានបន្ទប់ស្នាក់នៅសរុបចំនួន ១៤៤០យូនីត។

គម្រោង BLUE BAY អគារខុនដូកម្ពស់ ៣៧ជាន់នេះត្រូវបានវិនិយោគដោយក្រុមហ៊ុនចិន Shu Jian Tian Yu Development Co.,Ltd  ដែលមានទីតាំងប្រមាណជា ៥០ម៉ែត្រពីឆ្នេរឯករាជ្យ។

យ៉ាងណាមិញ ក្រុមហ៊ុននៅតែរក្សាជំហរ និងរំពឹងទុកថា គម្រោងទាំងមូលនឹងត្រូវបានបញ្ចប់ទៅតាមការគ្រោងទុក នៅខែ ធ្នូ ឆ្នាំ ២០១៩ខាងមុខនេះ៕