កីឡាករ Cristiano Ronaldo មិនអាចចូលរួមកម្មវិធីប្រគល់ពានកីឡាករល្អ Ballon d’Or នៅប្រទេសបារាំងបាននោះទេ ព្រោះរូបគេបានសម្រេចចិត្តធ្វើដំណើរទៅប្រទេសជប៉ុនជាមួយមិត្តរួមក្រុមត្រៀមប្រកួតពានរង្វាន់ FIFA Club World Cup ។
ការប្រកាសពានរង្វាន់ Ballon d’Or នឹងត្រូវធ្វើឡើងនៅប្រទេសបារាំងនៅថ្ងៃច័ន្ទនេះ ដោយកីឡាករ Ronaldo គឺជាបេក្ខភាពមានភាគរយខ្ពស់ជាងគេក្នុងការទទួលបានវា ត្បិតអីកីឡាករ២នាក់ផ្សេងទៀត Lionel Messi និង Antoine Griezmann មានទម្រង់លេងល្អដែរក៏ដោយ។ យ៉ាងណាមិញ ចំពោះការប្រកាសអ្នកឈ្នះនេះ ប្រហែលជាមិនមានវត្តមានរបស់ Ronaldo ឡើយ ព្រោះរូបគេបានសម្រេចចិត្តធ្វើដំណើរទៅប្រទេសជប៉ុនជាមួយមិត្តរួមក្រុមដទៃទៀតហើយ ត្បិតអីមានតែអ្នកតំណាងប៉ុណ្ណោះដែលចូលរួមក្នុងការប្រកាសពាននៅបារាំង។
ចំពោះព្រឹត្តិការណ៍ពានរង្វាន់ FIFA Club World Cup វិញ ក្រុម Real Madrid ធ្វើដំណើរទៅប្រកួតទាំងអស់គ្នា ដោយអវត្តមានតែ Gareth Bale ម្នាក់ប៉ុណ្ណោះ។ ខណៈដែលក្រុមជើងឯកទ្វីបអឺរ៉ុបមួយនេះ នឹងត្រូវប្រកួតជាមួយក្រុម Club America នៅថ្ងៃទី១៥ខែនេះ វេលាម៉ោង៥:៣០នាទីល្ងាចម៉ោងនៅកម្ពុជា៕
មតិយោបល់