Cristiano Ronaldo ទើបតែទទួលបានពានកីឡាករល្អជាងគេលើលោកក្នុងឆ្នាំ២០១៦នេះ Ballon dOr ពីទស្សនាវដ្ដីមួយនៅប្រទេសបារាំង ក្រោយពីរូបគេទទួលបានជោគជ័យច្រើនទាំងក្លឹបអាជីពនិងជម្រើសជាតិ។
យ៉ាងណាមិញ ចំពោះអ្វីដែលគេបាននេះ គឺមិនមែនបញ្ជាក់ថា Ronaldo ល្អជាងគេទាំងគ្រប់ផ្នែកនោះទេ ជាក់ស្ដែងនៅក្នុងក្លឹប Real Madrid ជាដើម។ បើតាម Gareth Bale ឱ្យដឹងខ្សែប្រយុទ្ធនិងប្រធានក្រុមព័រទុយហ្គាល់ពិតជាមានល្បឿនលឿនមែន ប៉ុន្តែមិនទាន់ដល់កម្រិតកីឡាករម្នាក់នៅក្នុងក្រុម Real Madrid ឡើយ។
ដោយម្នាក់នោះគឺជា Raphael Varane ខ្សែការពារកណ្ដាលវ័យក្មេង។ កីឡាករសញ្ជាតិបារាំងរូបនេះ ត្រូវបាន Bale គិតថាពិតជាមានល្បឿនលឿនមែនទែន ដោយសូម្បីតែ Ronaldo ក៏ប្រហែលជារត់មិនទាន់រូបគេដែរ។ ជាក់ស្ដែងដូចកាលលេងជាមួយ Dortmund អីចឹង រូបគេរត់បានល្បឿនលឿនជាងខ្សែប្រយុទ្ធ Pierre-Emerick Aubameyang ទៅទៀត៕
https://www.youtube.com/watch?v=0Wj-j5jI60E
មតិយោបល់