ព្រឹត្តិការណ៍កីឡានៅបុណ្យសមុទ្រលើកទី៥ ដែលទើបបញ្ចប់កាលពីព្រឹកមិញ ទទួលបានកីឡាករ កីឡាការិនី ជាង១០០០នាក់ ចូលរួមប្រកួត។ នេះបើតាមការបញ្ជាក់ពី ឯកឧត្តម វ៉ាត់ ចម្រើន អគ្គលេខាធិការគណ:កម្មការជាតិអូឡាំពិកកម្ពុជា។

រយ:ពេល២ថ្ងៃកន្លះនៃការរៀបចំ ឯកឧត្តមបង្ហើបថាកីឡារត់ប្រណាំងទទួលបានការចូលរួមច្រើនជាងគេ ពោលរហូតដល់ជិត៧០០នាក់។ ចំណែកមួយចំនួនទៀតជាសិស្សនិស្សិតស្ម័គ្រចិត្តចូលរួមប្រកួតលើកីឡា បាល់ទាត់ បាល់ទះ ជាដើម។ ចំពោះកីឡាអាជីពភាគច្រើនជាកីឡាប្រភេទប្រយុទ្ធដូចជា ប្រដាល់ និងល្បុកត្តោ។