បើតាម The Sun បានបញ្ជាក់ថា Cristiano Ronaldo កំពុងតែព្យាយាមរត់ការជួយក្មេងអាយុ៤ឆ្នាំជនជាតិសិរីម្នាក់ឈ្មោះថា Haidar Mustafa ឱ្យបានទៅរស់នៅចក្រភពអង់គ្លេស។
Mustafa ត្រឹមវ័យ៤ឆ្នាំបានបាត់បង់ឪពុកម្ដាយទៅហើយ ដោយសារសង្គ្រាមញ៉ាំញីនៅប្រទេសសិរី តាំងពីឆ្នាំ២០១៥កន្លងទៅ ដោយការវាយប្រហារនៅគ្រានោះត្រូវបានគេដឹងថាជាពួក ISIS។ កុមារារូបនេះ ធ្លាប់បានទៅជួបជាមួយ Ronaldo ម្ដងមកហើយ កាលពីពេលកន្លងទៅ ហើយថ្មីៗនេះ ក៏មានលេចឮដំណឹងមកថា Ronaldo មានបំណងចង់ជួយក្មេងម្នាក់នេះទៀត។
ការជួយនោះគឺរូបគេចង់ឱ្យ Mustafa ផ្លាស់ទៅរស់នៅជាមួយលោកពូរបស់គេនៅអង់គ្លេស ដោយការរត់ការត្រូវធ្វើឡើងក្រោមការជួយជ្រោមជ្រែងរបស់ខ្សែប្រយុទ្ធក្រុម Real Madrid រូបនេះទាំងអស់។ ទន្ទឹមនឹងនោះដែរ Ronaldo ក៏បានផ្ញើសារមួយផងដែរថា៖ “ខ្ញុំសប្បាយចិត្តដែលបានឮថាអ្នកមានសុខភាពល្អ និងជូនពរឱ្យអ្នកជោគជ័យទៅថ្ងៃអនាគត។ សូមធ្វើតាមក្ដីស្រមៃនិងព្យាយាមឱ្យអស់ពីសមត្ថភាព នោះសុបិននឹងក្លាយជាការពិតហើយ”៕
https://youtu.be/IEbs1SpJQ5E
មតិយោបល់