Alan Shearer អតីតកីឡាករឆ្នើមនៅអង់គ្លេស បានបង្ហាញចំណាប់អារម្មណ៍ថាក្លឹប Liverpool លេងដូចជាមិនចង់លើកពានលីគកំពូល English Premier League នោះទេ បើទោះជាពួកគេមានឱកាសហើយក៏ដោយ។
ក្រុម Liverpool បានបរាជ័យក្រោមថ្វីជើងក្រុមបាតតារាង Swansea ៣-២ ក្នុងការប្រកួតសប្ដាហ៍ទី២២របស់ខ្លួន។ ដោយបរាជ័យនោះបានធ្វើឱ្យពួកគេធ្លាក់មកឈរនៅលេខរៀងទី៣ក្នុងតារាងវិញ ក្រុម Chelsea ដែលឈរនៅលេខ១នោះមានពិន្ទុដាច់ឆ្ងាយទៅហើយ។
ដោយមើលឃើញដូច្នេះហើយ អតីតខ្សែប្រយុទ្ធមុតស្រួចរបស់ជម្រើសជាតិអង់គ្លេស Shearer បានបញ្ជាក់ថារដូវកាលនេះក្រុមហង្សក្រហមនៅតែមិនមានឱកាសយកជើងឯកដដែល។ ពួកគេលេងដូចជាមិនចង់ឡើងឈរលើកំពូលតារាងនោះទេ ខណៈដែលពួកគេកំពុងតែមានរដូវកាលល្អហើយក៏ដោយ។ ការភ្លាត់ចាញ់ក្រុមខ្សោយ គឺជារឿងមិនល្អឡើយសម្រាប់ក្រុមដែលចង់ប្រជែងយកជើងឯក។
Liverpool ខកខានលើកពានលីគកំពូលអង់គ្លេសអស់ជាច្រើនឆ្នាំមកហើយ ដោយរដូវកាលនេះលោក Jurgen Klopp រំពឹងថាអាចដឹកនាំក្រុមនេះទទួលបានជោគជ័យនិងស្ដាមុខមាត់បានឡើងវិញ៕
មតិយោបល់