ក្រុមបីសាចក្រហម Manchester United បានវាយបកយកឈ្នះក្រុម Crystal Palace យ៉ាងផិតផើយ ក្នុងលទ្ធផល ៣-២ រក្សាបានតំណែងលេខ២ ក្នុងតារាង Premier League វិញ។

នេះគឺជារឿងដ៍អស្ចារ្យមួយ សម្រាប់ក្រុមបីសាចក្រហម Manchester United ដែលអាចស្រង់ដើមបានមកវិញ ក្រោយពីត្រូវក្រុមម្ចាស់ផ្ទះ Crystal Palace នាំមុខមុនរហូតដល់ទៅ ២គ្រាប់។ ២គ្រាប់របស់ក្រុម Crystal Palace រកបាន​ដោយការស៊ុតរបស់កីឡាករ Andros Townsend នៅនាទីទី ១១ និងការស៊ុត​គ្រាប់ទី២ ដោយកីឡាករ Patrick van Aanholt នៅនាទីទី ៤៨។ យ៉ាងណាវិញ Man Utd បានដាក់ការវាយលុកយ៉ាងខ្លាំងក្លានៅក្រុមម្ចាស់ផ្ទះ Crystal Palace វិញ រហូតអាចរកបានគ្រាប់បាល់ ៣គ្រាប់យកឈ្នះវិញ ដែលជាការស៊ុតរបស់ Chris Smalling នៅនាទីទី៥៥, Romelu Lukaku នៅនាទីទី៧៦ និង Nemanja Matic នៅចុងម៉ោងនាទីទី ៩០+១ ។

តាមរយៈលទ្ធផលផិតផើយ​នេះ បាមធ្វើឲ្យក្រុមបីសាចក្រហម Manchester United ឡើងមកឈរលេខ២ ក្នុង​តារាង Premier League វិញ ដោយនាំមុខក្រុមហង្សក្រហម Liverpool ២ពិន្ទុ​វិញ។