បើ​តាម​លោក​ Luis Enrique ​បាន​ឱ្យ​ដឹង​ថា​ទម្រង់​លេង​របស់ Denis Suarez ​នឹង​ក្លាយ​ជា​ Harry Potter ​ថ្មី​ជំនួស Andres Iniesta ​នៅ​ក្លឹប FC Barcelona ។

Barcelona ​បាន​បង្ហាញ​ទម្រង់​លេង​ល្អ​ឡើង​វិញ ដោយ​យក​ឈ្នះ​ក្រុម Real Sociedad ​៥-២ ​ឡើង​វគ្គ​ពាក់​កណ្ដាល​ផ្ដាច់ព្រ័ត្រ​ពាន​រង្វាន់ Copa del Rey ។ ស្រប​ពេល​ដែល​ក្នុង​ការ​ប្រកួត​នោះ កីឡាករ​វ័យ​ក្មេង Denis Suarez ​បាន​បង្ហាញ​ទម្រង់​លេង​ជា​ខ្សែ​បម្រើ​ល្អ​មែនទែន ដោយ​សឹង​តែ​គ្រប់គ្រង​ការ​ប្រកួត​បាន​ទាំង​មូល​ទៅ​ហើយ។

ដោយ​មើល​ឃើញ​សមត្ថភាព​ដូច្នេះ​ហើយ ​លោក Enrique ​បាន​ឱ្យ​ដឹង​ទម្រង់​របស់​កីឡាករ Denis ​នឹង​ខ្លាំង​ជាង​នេះ​ទៅ​ទៀត​នៅ​មួយ​រយ:​ទៀត។ ហើយ​រូបគេ​នេះ​ហើយ​នឹង​ក្លាយ​ជា​តួ​អង្គ​សំខាន់​សម្រាប់​ក្រុម​អ្នក​មាន​បុណ្យ​នៅ​ពេល​អនាគត។ អ្នក​ចាត់ការ​ដែល​មាន​ដំណឹង​ថា​នឹង​ចាកចេញ​ពី​អេស្ប៉ាញ​នៅ​ចប់​រដូវ​កាល​នេះ​បាន​បន្ថែម​ទៀត​ថា ​នេះ​ជា​រឿង​ល្អ​មួយ​សម្រាប់​ក្រុម ដែល​មាន​កីឡាករ​ល្អ​ទៅ​ថ្ងៃ​អនាគត​ដែល​អាច​ជំនួស Iniesta ​បាន៕