Post News Media ព័ត៌មានកីឡា ជំនួបរវាង Rea...

ជំនួបរវាង Real Madrid ​និង Celta Vigo ​ត្រូវលើកពេលដោយសារបញ្ហាអាកាសធាតុ

ការ​ប្រកួត​រវាង​ក្រុម Celta Vigo ​និង Real Madrid ​ត្រូវ​បាន​លើក​ពេល​សិន ​ដោយសារ​តែ​មាន​បញ្ហា​អាកាស​ធាតុ​បង្ក​ឱ្យ​មាន​ការ​ខូចខាត​កីឡដ្ឋាន​របស់​ម្ចាស់​ផ្ទះ Celta ​ខណ:​ដែល​ភ្លៀង​ក៏​ធ្លាក់​មិន​ឈប់​ផង​ដែរ។

គណកម្មាការ​នៃ​ការ​ប្រកួត​បាន​បញ្ជាក់​បន្ថែម​ថា ​កីឡដ្ឋាន ​Rio Alto Balaidos Stadium ​របស់ Celta Vigo ​រង​ការ​ខូចខាត​ខ្លាំង​នៅ​លើ​ដំបូល ​ដោយ​ប៉ើង​អស់​ជា​ច្រើន​ផ្ទះ។ ខណ:ដែល​ទីលាន​វិញ ​ក៏​មាន​បញ្ហា​ទឹក​ដក់​ផង​ដែរ ក្រោយ​ពី​មាន​ភ្លៀង​លាយ​ជាមួយ​ខ្យល់​បាន​បក់បោក​មក​លើ​ទី​ក្រុង​នេះ​អស់​ពេល​ប៉ុន្មាន​ថ្ងៃ​មក​នេះ។

ដោយ​មើល​ឃើញ​ពី​សភាព​មិន​ស្រួល​នេះ​ហើយ  បាន​ជា​ការ​ប្រកួត​សងសឹង​រវាង​ក្រុម​ទាំង​ពីរ​ខាង​លើ​នេះ​ត្រូវ​ពន្យា​ពេល​សិន ​ដោយ​រង់ចាំ​មើល​អាកាស​ធាតុ​បន្ត ​ចំណែក​ឯ​ពេល​វេលា​កំណត់​ក៏​មិន​ទាន់​ដឹង​ច្បាស់​ដែរ។

សូម​បញ្ជាក់​ថា​ការ​ប្រកួត​របស់ Deportivo ​និង Real Betis ​កាល​ពី​យប់​ថ្ងៃ​សុក្រ​កន្លង​ទៅ​ក៏​ត្រូវ​ពន្យា​ពេល​ដែរ ​ដោយសារ​តែ​មាន​បញ្ហា​អាកាស​ធាតុ​នេះ​ដូច​គ្នា៕