មុនការប្រកួតរវាង Paris Saint Germain និង Real Madrid ជើងទី២ Champion League មកដល់ក្រុម ជើងខ្លាំងបារាំងមួយនេះ បានបង្ហាញឲ្យ​ឃើញពីការស៊ុតដាច់ៗគ្រាប់ក្នុងដី ដើម្បីត្រៀមសម្លាប់ Real Madrid វិញ។

ជាក់ស្តែងណាស់ បើតាម ESPN បានឲ្យដឹងថា នៅប៉ុន្មានប្រកួតចុងក្រោយនេះ ក្រុម Paris Saint Germain បានបើកកីឡារដ្ឋានរបស់ពួកគេ របស់ពួកគេ ទទួលក្រុមភ្ញៀវ ៣ប្រកួតដោយបានយកឈ្នះ មិនទាបជាង៣ គ្រាប់ឡើយ ពោលចាប់ពីចាញ់ Real Madrid ៣-១ រួចមក។ ក្នុងនោះដែរ​ Paris Saint Germain បានយកឈ្នះ Marseille ២ប្រកួតជាប់គ្នា ទាំងនៅ League1 និង Franch Cup ក្នុងលទ្ធផល ៣-០ ទាំង២ប្រកួត និងយកឈ្នះក្រុម Strasbourg ៥-២ ។ តាមរយៈការស៊ុតដាច់ៗ ៣ គ្រាប់ក្នុង ៣ ប្រកួតចុងក្រោយ ជាប់ៗគ្នាបែបនេះ ហាក់ជាការគម្រាមមួយ ដល់ក្រុម Real Madrid ដែលត្រៀមធ្វើដំណើរទៅកាន់​ទឹកដីរបស់ក្រុម Paris Saint Germain នាប៉ុន្មានថ្ងៃខាងមុខនេះ ដោយមានត្រឹម ២គ្រាប់ឈ្នះក្នុងដៃប៉ុណ្ណោះ។

ដូច្នេះហើយ សម្រាប់ការប្រកួតជើងទី២ លើទឹកដីបារាំងនេះដែរ ក្រុម Paris Saint Germain ជឿជាក់ថាពួកគេ អាចស៊ុតចូលទីក្រុម Real Madrid ចាប់ពី ៣គ្រាប់ឡើងទៅ ដោយយោងទៅតាម​លទ្ធផល ដែលក្រុម មួយនេះ បានស៊ុតបញ្ចូលទីលើក្រុមភ្ញៀវ ទាំងខ្លាំង និងក្រោយ ដាច់ ៣ គ្រាប់បែបនេះ។