លោក Jurgen Klopp រកពាក្យនិយាយមិនចេញនោះទេ ក្រោយពីកូនក្រុមរបស់លោកលេងចាញ់ក្រុមបាតតារាង Leicester City ក្នុងលទ្ធផល ៣-១ កាលពីយប់មិញនេះ។
Liverpool ត្រូវបានគេរំពឹងថានឹងឈ្នះក្រុម Leicester City បានយ៉ាងងាយ ព្រោះពីក្រុមមួយនេះទើបតែបណ្ដេញគ្រូបង្វឹកចេញកាលពីប៉ុន្មានថ្ងៃមុននេះប៉ុណ្ណោះ។ យ៉ាងណាមិញ អ្វីគ្រប់យ៉ាងបែរជាក្រឡាប់ចាក់ទៅវិញ ព្រោះអីក្រុមហង្សក្រហមមិនអាចបំបែកពង់មាន់បាន ហើយត្រូវ Leicester ធ្វើស៊ីយ៉ាងចាស់ដៃទៀត។
ក្រោយចប់ការប្រកួតនោះ លោក Klopp បាននិយាយដូច្នេះថា៖ “ខ្ញុំរកពាក្យនិយាយចំពោះការប្រកួតនេះមិនបាននោះទេ។ ភាសារសម្រាប់អ្នកចាញ់ការប្រកួត គឺតែងតែពិបាក វាពិតជាពិបាកមែនសម្រាប់ការរកពាក្យឱ្យបានត្រឹមត្រូវ។ មិនមែន Leicester ល្អទេ តែមកពីយើងខ្លួនឯងលេងមិនល្អ។ ការដឹកនាំរបស់ខ្ញុំនៅអាល្លឺម៉ង់គឺអាចនិយាយបានថាពិបាក ប៉ុន្តែនៅអង់គ្លេសនេះវាកាន់តែអាក្រក់ថែមទៀត”៕
មតិយោបល់