Chanathip Songkrasin បានជាប់ឈ្មោះជាកីឡាករលេងល្អជាងគេក្នុងការប្រកួត Man of The Match ២ប្រកួតជាប់គ្នាហើយនៅវគ្គចែកពូលពានរង្វាន់ AFC Champions League នេះ។
កីឡាករដែលគេដាក់ឈ្មោះក្រៅថា Messi Jay រូបនេះ បានបង្ហាញទម្រង់លេងល្អមែនទែន ដោយបានជួយស្មើកាលពីប្រកួតដំបូង ហើយឈ្នះក្រុមខ្លាំង Kashima Antler ជើងឯកលីគកំពូលជប៉ុន ២-១ ថែមទៀតផងកាលពីយប់មិញនេះ។ ដោយសារតែដូច្នេះហើយ បានជារូបគេត្រូវបានគេជ្រើសរើសជាកីឡាករលេងល្អជាងគេក្នុងការប្រកួត២ប្រកួតជាប់គ្នាតែម្ដង។
យ៉ាងណាមិញ កីឡាករលេងល្អជាងគេក្នុងក្រុមខាងលើនេះ មិនអាចជួយក្រុម Muangthong បានយូរនោះទេ ព្រោះអីរូបគេនឹងត្រូវផ្លាស់ចេញទៅលេងនៅលីគជប៉ុនក្រោមលក្ខខណ្ឌខ្ចីជើងនៅពាក់កណ្ដាលរដូវកាលរបស់លីគថៃនេះហើយ។
សូមបញ្ជាក់ថា Muangthong United ស្ថិតនៅពូល E ជាមួយក្រុមខ្លាំងៗជាច្រើន ខណៈដែលក្រុមជើងឯកលីគកំពូលថៃមួយនេះកំពុងតែឈរនៅកំពូលតារាងហើយ ដោយមាន៤ពិន្ទុ ក្រោយពី២ប្រកួត ឈ្នះ១និងស្មើ១៕
មតិយោបល់