ក្រុម Manchester United បានយកឈ្នះក្រុម Rostov ក្នុងលទ្ធផល ១-០ (សរុបទាំងពីរជើង ២-១) កាលពីយប់មិញនេះ ដើម្បីមានឱកាសឡើងទៅវគ្គ៨ក្រុមចុងក្រោយពានរង្វាន់ Europa League ។

ជ័យជម្នះនេះដែរ គឺជាការធ្វើបានសម្រេចពី Mata ក្រោយពីក្រុមបិសាចក្រហមព្យាយាមសម្រុកតាំងពីដើមតង់មក។ ខណ:ដែលកីឡាករម្នាក់ទៀតជាអ្នកជួយក្រុមដែរនោះគឺ អ្នកចាំទី Sergio Romero ជួយក្រុមពីការស៊ុតៗស្អាតរបស់ក្រុម Rostov បានច្រើនមែនទែន។

ដោយឡែកក្រៅពីការប្រកួតដ៏ជក់ចិត្តនេះទៅ គេក៏សង្កេតឃើញក្នុងការប្រកួតនេះ លោក Jose Mourinho មិនដឹងថាបានចេកទុំមកពីណានោះទេ យកបកសំបកយ៉ាងស្អាត ហើយក៏ហ៊ុចឱ្យទៅAshley Young ដើម្បីយកបន្ដទៅឱ្យខ្សែការពារ Rojo នៅទីលានប្រកួតហូបប៉ូវកម្លាំងតែម្ដង។

ក្រោយពីកើតរឿងនេះ បណ្ដាញសង្គមជាច្រើនបាននាំគិត Troll នៅចំណុចនេះ ដោយខ្លះគិតថាមកពីបានចេកមួយផ្លែរនេះហើយ ទើបបានជាក្រុម Man Utd មានឱកាសឡើងទៅវគ្គ៨ក្រុមចុងក្រោយ Europa League ៕