ព័ត៌មានកីឡា

សេង ស្រឿន បារម្ភថៃជាងខ្មែរ នៅប្រដាល់គូបូតា

អ្នកប្រដាល់ចាស់វស្សា សេង ស្រឿន លើកឡើងថាខ្លួនបារម្ភបេក្ខភាពថៃ ច្រើនជាងខ្មែរ នៅប្រដាល់គូបូតា ដែលនឹងចាប់ផ្តើមនាថ្ងៃទី៧ ខែមេសា ខាងមុខ។

សិស្សគុនក្លឹបមហឹទ្ធីរឹទ្ធតាដំបងដែកបាននិយាយថាការដែលផ្តោតលើថៃ ព្រោះគេពុំដឹងសមត្ថភាព និងក្បាច់វាយរបស់ពួកគេច្បាស់លាស់ ផ្ទុយពីខ្មែរដែលធ្លាប់វាយជាមួយគ្នាស្ទើររាប់ភ្លេច។

« តាមពិតទៅថៃ មានល្អមិនល្អដូចយើងដែរ ប៉ុន្តែខ្ញុំបារម្ភពួកគេខ្លាំង ព្រោះមិនធ្លាប់ដឹងសមត្ថភាពរបស់គេ។ មិនដូចអ្នកប្រដាល់ខ្មែរយើងអី ខ្ញុំមើលពួកគាត់វ៉ៃឡើងរាប់ភ្លេចទៅហើយ អញ្ចឹងយើងអាចរៀបចំទុកមុនបាន។» សម្តី ស្រឿន ប្រាប់ Post Sport ។

បន្ថែមលើនេះ អ្នកប្រដាល់រូបនេះបន្តថា ខ្លួនកំពុងហ្វឹកហាត់បន្ថែមស៊ុស ដើម្បីទប់ទល់និងជើងខ្លាំងស្រករក្រោយក្នុងជំនួបបើកឆាកនាសប្តាហ៍ក្រោយនេះ។

ប្រដាល់គូបូតារដូវកាលទី៧ បានប្តូរមកសង្វៀនស្ទឹងមានជ័យ រៀងរាល់យប់ថ្ងៃសុក្រ ម៉ោង ៧:០០ – ៩:០០ ។ បេក្ខភាពទាំងអស់នឹងប្រជែងប៉ះទៅមក ដើម្បីយកជើងខ្លាំងទៅគ្រងខ្សែក្រវ៉ាត់អមជាមួយប្រាក់រង្វាន់ជាច្រើន ។

មតិយោបល់