ថ្វីបើ Real Madrid មានភាគរយខ្ពស់ ក្នុងការឡើងទៅ​កាន់វគ្គ ៨ក្រុមចុងក្រោយក៍ដោយ តែក្រុម Paris Saint Germain នៅតែមានជំនឿចិត្ត ក្នុងការផ្តួលក្រុម Real Madrid នៅជើងទី២ យប់នេះ។

យ៉ាងណាវិញ លោក Unia Emery គ្រូបង្វឹកក្រុម Paris Saint Germain ជឿជាក់ថាអព្ភូតហេតុមួយ នឹងកើត​មាននៅយប់នេះ ដែលធ្វើឲ្យក្រុម Real Madrid បាន​ស្គាល់លើកដំបូង។ ជាក់ស្តែងណាស់ បើតាមការចុះផ្សាយ​របស់​ កាសែត ក្នុងស្រុកពីប្រទេសបារាំងបានឲ្យដឹងថា ក្រុម Paris Saint Germain បានត្រៀមរួចហើយ ក្នុងការផ្តួលក្រុម Real Madid ។ លោក Emery បានយល់យ៉ាងច្បាស់ថា Real Madrid ជាក្រុមខ្លាំងនៅ Champion League ក្នុងនាមជាក្រុមការពារជើងឯក ដែលរឹងមាំ មិនងាយមានក្រុមណាផ្តួលបានស្រួលឡើយ។

ក៍ប៉ុន្តែ ក្នុងការធ្វើដំណើរមកកាន់ ទឹកដីបារាំងលើកនេះ Real Madrid ច្បាស់ជាស្គាល់មេរៀនមួយ ដែលពួកគេ​មិនធ្លាប់ជួបពីមុនមក គឺជាជ្រុះចេញ ពី Champion League ក្រោមស្នាដៃ Paris Saint Germain ។ ថ្វីដ្បិត Real Madrid បានឈ្នះជើងទី១ ក្នុងលទ្ធផល ៣-១ ក៍ដោយ តែតាមរយ:ការប្រកួតក្នុងផ្ទះ កន្លងមកនេះ Paris Saint Germain ស៊ុតបញ្ចូលទី គូប្រកួតច្រើនៗ​គ្រាប់ ជាហេតុធ្វើឲ្យក្លិបបារាំងមួយនេះ មានសង្ឃឹមក្នុងការ​​ផ្តួលក្រុម Real Madrid បាន។

ដូច្នេះហើយ ក្រុម Paris Saint Germain មានជំនឿចិត្តថា អព្ភូតហេតុមួយនឹងកើតឡើង ដែលធ្វើឲ្យ Real Madrid ត្រូវហាលអាវត្រឡប់ទៅវិញ ជាក់ជាមិនខាន។