ផ្ទះ ព័ត៌មានកីឡា Hazard គួរតែច...

Hazard គួរតែចាកចេញពី Chelsea ឬនៅបន្តទៀត

0

កីឡាករសញ្ជាតិបែលហ្ស៊ិក Edin Hazard កំពុងតែមានការចាប់អារម្មណ៍យ៉ាងខ្លាំង ពីសំណាក់ក្រុមយក្សអេស្ប៉ាញ Real Madrid បន្ទាប់ពីការបង្ហាញនូវទម្រង់លេងយ៉ាងល្អនារដូវកាលនេះ។ Hazard ហាក់កំពុងមានការមិនច្បាស់ លាស់សម្រាប់អនាគត់របស់គេនៅ Chelsea បន្ទាប់ពីក្លឹបយក្សអេស្ប៉ាញ Real Madrid ចាប់អារម្មណ៍ចង់បានរូបគេទៅចូលរួមនារដូវកាលក្រោយនេះ។

បើទោះបីជាពេលនេះ Hazard មានពត៌មានមិនល្អ ពីការមិនស្វាគមន៍ទៅកាន់ទឹកដី Bernabue របស់កីឡាករកំពូល Cristiono Ronaldo ក៍ពិតមែន តែកីឡាករកំពុងឡើងជើងមួយនេះ ត្រូវបានបណ្តាញផ្សព្វផ្សាយជាច្រើនរំពឹងទុកថា និងធ្វើការផ្លាស់ប្តូរទៅកាន់ទឹកដីអេស្ប៉ាញនាពេលឆាប់ៗនេះ។

យ៉ាងណាវិញនោះដែរ ទាក់ទងជាមួយនឹងពត៌មានទាំងអស់នេះ គឺមិនទាន់ច្បាស់ការនៅឡើយទេថា Hazard អាចនឹងផ្លាស់ប្តូរទៅកាន់ក្លឹបកំពូលរបស់អេស្ប៉ាញឡើយ ព្រោះថាពេលនេះ Hazard កំពុងតែបំពេញតួនាទី របស់ពួកគេ ក្នុងការស្រវ៉ាយកពានរង្វាន់ Premier League របស់អង់គ្លេសជាមួយនឹងតោខៀវ Chelsea នៅឡើយ។ ម្យ៉ាងវិញទៀត តាមរយ:សម្តីអះអាងរបស់អ្នកចាំទី Thibaut Courtois ដែលជាមិត្តរួមក្រុមរបស់គេ បានលើកឡើងថា Hazard មិនមានការចាប់អារម្មណ៍ ក្នុងការផ្ទេរទៅកាន់ Real Madrid ឡើយ ព្រោះថាពេលនេះ គេកំពុងតែផ្តោតអារម្មណ៍លើការប្រកួតប្រជែងពានរង្វាន់លីគកំពូលរបស់អង់គ្លេស ម្យ៉ាងគេកំពុងតែចង់ប្រជែងយកពាន UEFA Champion League នៅរដូវកាលក្រោយផងដែរ។

ដោយហេតុនេះហើយ សម្រាប់ការផ្ទេរទៅកាន់ក្លឹបថ្មី គឺមិនទាន់ប្រាកដសម្រាប់ Hazard ឡើយ ខណ:ដែលគេជាកីឡាករល្អរបស់ក្រុម ដូច្នេះហើយ ក្រុមត្រូវការរួបគេ ដើម្បីបន្តពង្រឹងក្រុមបន្ថែមទៀត ប្រសិនបើក្រុមត្រូវការឈ្នះពានរង្វាន់ជាច្រើនទៀត៕

មតិយោបល់