ការប្រកួតពានរង្វាន់លីគកំពូលកម្ពុជា រដូវកាល ២០១៧ សប្តាហ៍ទី១០ ក្រុមបាល់ទាត់ ព្រះខ័នរាជស្វាយរៀង ត្រូវប៉ះជាមួយ ណាហ្គាវើល នៅថ្ងៃ សៅរ៍ ទី៦នេះ នាវេលាម៉ោង ៦ល្ងាច លើវាលស្មៅកីឡដ្ឋានខេត្តស្វាយរៀង ខណ:ដែល ៥ប្រកួតចុងក្រោយរបស់ក្រុមទាំង២នៅក្នុងលីគ ឈ្នះចាញ់គ្នា២លើក និងស្មើគ្នា១លើក ។

ស្ថិតិប្រវត្តិជួបគ្នា ៥ប្រកួតចុងក្រោយ ព្រះខ័នរាជស្វាយរៀង ធ្លាប់ឈ្នះ ២ដង ណាហ្គាវើល ធ្លាប់ឈ្នះ ២ដង និងស្មើគ្នាម្ដង។ ងាកមកមើលទិន្នន័យសរុបរវាងក្រុមទាំង២វិញម្តង៖

– រដូវកាល ២០១៤ ថ្ងៃទី ១៦ ខែ កក្កដា ជើងទី២៖ ណាហ្គាវើល ២-២ ព្រះខ័នរាជស្វាយរៀង
– រដូវកាល ២០១៥ ថ្ងៃទី ០១ ខែ កក្កដា ជើងទី១៖ ណាហ្គាវើល ១-០ ព្រះខ័នរាជស្វាយរៀង
– រដូវកាល ២០១៥ ថ្ងៃទី ២២ ខែ តុលា ជើងទី២៖ ព្រះខ័នរាជស្វាយរៀង ៤-២ ណាហ្គាវើល
– រដូវកាល ២០១៦ ថ្ងៃទី ០១ ខែ មេសា ជើងទី១៖ ព្រះខ័នរាជស្វាយរៀង ២-១ ណាហ្គាវើល
– រដូវកាល ២០១៦ ថ្ងៃទី ១៧ ខែ កក្កដា ជើងទី២៖ ណាហ្គាវើល ២-១ ព្រះខ័នរាជស្វាយរៀង

ក្រុម ព្រះខ័នរាជស្វាយរៀង បើគិតត្រឹមសប្តាហ៍ទី១០នេះ ប្រកួតបាន ៩លើក ឈ្នះ៦ដង ស្មើរ៣ដង និងមិនដែលចាញ់នោះទេ កំពុងមាន២១ពិន្ទុក្នុងដៃ ឈរនៅកំពូលតារាង ខណ:ដែលក្រុម ណាហ្គាវើល ៩ប្រកួត កន្លង ក្នុងនោះឈ្នះ៤ដង ស្មើរ៣ដង និងចាញ់២ដង ដោយមាន១៥ពិន្ទុនៅក្នុងដៃ ឈរនៅលេខ៥ ៕