បន្ទាប់ពីចប់ការប្រកួតកាលពីយប់មិញនេះក្រុម Atletico Madrid បានបង្កើតនូវកំណត់ត្រាថ្មីរបស់ពួកគេក្នុងការយកឈ្នះក្រុម Real Madrid នៅ Champion League ដែលពីមុនមក Atletico Madrid មិនដែលប្រកួតឈ្នះ Real Madrid ឡើយ គឺបានត្រឹមស្មើប៉ុណ្ណោះ។ ចំណែកក្រុម Real Madrid វិញ​ក៍នៅតែរក្សាកំណត់ត្រារបស់ពួកគេដដែលក្នុងការទម្លាក់ក្រុម Atletico Madrid ក្នុងរយៈពេល ៤ឆ្នាំជាប់ៗគ្នា។ ។

ជ័យជម្នះ ២-១ របស់ក្រុម Atletico Madrid ហាក់ដូចជាការយឺតពេលទៅហើយសម្រាប់ពួកគេ បន្ទាប់ពីភ្លាត់ស្នៀតចាញ់ Real Madrid​កាលពីជើងទី១​ ៣-០។ ២​ គ្រាប់របស់ Atletico Madrid រកបានដោយ Saul Niguez នៅនាទីទី ១២ និង ការស៊ុតបាល់ពិន័យ ១១ម៉ែត្រ នៅនាទីទី ១៦ ដោយកីឡាករ Antonie Griezmann ​រីឯ ១គ្រាប់ របស់ Real Madrid រកបានដោយ Isco​ នៅនាទីទី ៤២។

សរុបលទ្ធផលទាំង២ជើង Real Madrid បានយកឈ្នះ ៤-២ លើក្រុម Atletico Madrid។ ស្តាច់សរ Real Madrid នឹងឡើងទៅវគ្គផ្តាច់ព្រ័ត្រ ជួបជាមួយក្រុម Juventus ដែលជាក្រុមមកពីអ៊ីតាលីនៅថ្ងៃទី ៣ មិថុនា ខាងមុខនេះ។