ដំបូងឡើយ Chelsea អាចអវត្តមាន តែកីឡាករ Alvaro Morata ម្នាក់ប៉ុណ្ណោះ ដែលមិនបានជាប់ជម្រើសជាតិអេស្ប៉ាញ ក៍ប៉ុន្តែ ក្រោយពីលោក Julen Lopetegui កោះហៅកីឡាករ​ ២៣នាក់ សម្រាប់ត្រៀម World Cup នោះ បែរជាមានកីឡាករ ២រូប ផ្សេងទៀត មិនជាប់ជម្រើសជាតិអេស្ប៉ាញដែរ។

ជាក់ស្តែងណាស់ បើតាមការចុះផ្សាយរបស់ ESPN reports បានឲ្យដឹងថា កីឡាកររបស់ក្រុមតោច់ខៀវ រហូតដល់ទៅ ៣រូប ដែលមិនជាប់ជម្រើសជាតិ​អេស្ប៉ាញ សម្រាប់ការប្រកួត World Cup នៅរុស្ស៊ី ក្នុងពេលដ៍ខ្លីខាងមុខនេះ។ ក្នុងនោះដែរ ក្រៅពី Alvaro Morata ដែលគ្មានសង្ឃឹមជាប់ជម្រើសជាតិនោះ នៅ​មានកីឡាករ ២រូប ផ្សេងទៀត គឺខ្សែបម្រើ Case Fabregas និងខ្សែបម្រើការពារ​ស្លាប Macos Alonso ក៍ខកខានមិនបានជាប់ជម្រើសជាតិអេស្ប៉ាញដែរ។ ថ្វីដ្បិតតែ Chelsea ជាក្រុមខ្លាំងនៅអឺរ៉ុប មានកីឡាករល្អៗច្រើនក៍ដោយ តែភាគច្រើន នៃកីឡាកររបស់ក្រុមមួយនេះ ហាក់មិនទទួលបានការចាប់អារម្មណ៍​ពី​សំណាក់គ្រូជម្រើសជាតិអេស្ប៉ាញលោក Julen Lopetegui ឡើយ។

ដូច្នេះហើយ ខ្សែប្រយុទ្ធ Alvaro Morata បានចាប់ដៃជាមួយមិត្តរួមក្រុមនៅ Chelsea មាន Case Fabregas និង Marcos Alonso ដើម្បីអង្គុយមើល World Cup នៅផ្ទះទាំងអស់គ្នា។