នៅខែកក្កដាខាងមុខនេះ អាមេរិក បានបងកើតនូវព្រឹត្តិការណ៍ដ៍ភ្ញាក់ផ្អើលមួយ តាមរយៈការនាំយកក្រុមយក្សទាំង២ របស់អេស្ប៉ាញ Real Madrid និង Barcelona ទៅប្រកួត El Clasico​ ក្នុងការប្រកួតពានរង្វាន់ International Champion Cup ។

El Clasico បានក្លាយជាការប្រកួតដ៍ទាក់ទាញមួយ សម្រាប់អ្នកទស្សនាបាល់ទាត់ ប្រមាណជារាប់រយលាននាក់ឲ្យចាប់អារម្មណ៍ចំពោះការប្រកួតនេះ។ ជាការពិតណាស់ អាមេរិកបានបង្កើតនូវព្រឹត្តិការណ៍ប្រវត្តិសាស្ត្រដំបូងនៅក្នុងប្រទេសរបស់ពួកគេ ក្នុងការនាំយកក្រុម Real Madrid និង Barcelona ឲ្យទៅប្រកួតនៅទឹកដីសហរដ្ឋអាមេរិក។ ក្រុមយក្សទាំង២ នេះនឹងធ្វើការប្រកួតនៅថ្ងៃទី ២៩​កក្កដា​ ២០១៧នេះនៅ Miami ក្នុងការប្រកួត International Champion Cup។

ជំនួបនៅអាមេរិកនេះ នឹងធ្វើឲ្យអ្នកគាំទ្រទាំងអស់នៅអាមេរិក ទន្ទឹងរង់ចាំយ៉ាងអន្ទះសារ ព្រោះថាវាជាការប្រកួតដ៍ធំសម្បើម និងជាលើកដំបូងរបស់ប្រជាជាតិអាមេរិក ដែលបានទស្សនាផ្ទាល់ការប្រកួត El Clasico នៅក្នុងទឹកដីអាមេរិក។

បញ្ជាក់ផងដែរថា កំពូលតារាឆ្នើមរបស់ក្រុមទាំង ២​ Cristiano Ronaldo និង Lionel Messi ត្រូវបានគេរំពឹងថា​ នឹងបង្ហាញវត្តមាននៅក្នុងការបប្រកួតនេះ ស្របពេលដែលតារាឆ្នើមៗជាច្រើនរូបទៀត ក៍មានវត្តមាននៅក្នុងការប្រកួតនេះផងដែរ។