ក្រុមSwansea City នៅមិនទាន់រួចខ្លួននៅឡើយទេ ពីតំបន់ដែលត្រូវកាត់ចោលថ្វីត្បិត ពួកគេបានយកឈ្នះ ២-០​លើក្រុម Sunderland កាលពីយប់មិញក្តី។

Premire League នៅសល់ ១​សប្តាហ៍ទៀត នឹងត្រូវបញ្ចប់រដូវកាល ២០១៦-២០១៧​ហើយ ស្របពេលដែលក្រុមកំពូលតារាង​ និងក្រុមបាតតារាងទាំងអស់កំពុងមមាញឹកស្វែងរកជ័យជំនះរៀងៗខ្លួន។ Swansea City ហាក់មិនទាន់មានសុវត្ថិភាពនៅឡើយទេសម្រាប់រក្សាតំណែង Premire League នៅរដូវកាលក្រោយទៀត។​ ក្រោយពីឈ្នះ Sunderland ២-០យប់មិញ​ Swansea ស្ថិតនៅចំណាត់ថ្នាក់ទី ១៧ក្នុងតារាងមាន ៣៨​ពិន្ទុខណះក្រុមCrysla Palace មាន ៣៨ពិន្ទុដូចគ្នាឈរលេខរៀងទី ១៦​និង Hull City មាន ៣៤ពិន្ទុឈរលេខរៀងទី ១៨​ ហើយមាន ១ប្រកួតក្នុងដៃ។ Swansea ហាក់មានសង្ឃឹមច្រើនក្នុងការរក្សាតំណែងនៅ Premire League ព្រោះដៃគូប្រជែងរបស់ពួកគេ Crystal Palace និង Hull City ត្រូវជួបគ្នានៅយប់នេះ។

ប្រកួតចុងក្រោយរបស់ Swansea នឹងត្រូវបើកទ្វារទទួលក្រុម West Brom ស្របពេលដែល Hull City ទទួលក្រុម Tottenham ​និង Crystal Palace ទៅផ្ទះបីសាចក្រហម Manchester United។​