ចប់ការប្រកួតនាពហុកីឡដ្ឋានជាតិ នាវេលាម៉ោង ៣ៈ៣០ នាទីរសៀលមុននេះ ក្រុមទាល់ទាត់ជម្រើសជាតិចិនអាយុក្រោម ១៩ឆ្នាំ បានយកឈ្នះ ជម្រើសជាតិហ្វីលីពីនអាយុក្រោម ១៩ឆ្នាំ ក្នុងលទ្ធផល ៦ទល់០ ដែលជាជំនួបលើកទីពីរ ក្នុងពូល G វគ្គជម្រុះ ពានរង្វាន់យុវជនប្រចាំទ្វីបអាស៊ីអាយុក្រោម១៩ឆ្នាំ ( AFC U-19 Championship 2018)។

នៅវគ្គទី១ កីឡាករលេខ១០ LIU RUOFAN រកបាន ៣គ្រាប់ម្នាក់ឯង(Hat-Trick) នៅនាទី ១៧,៤១ នឹង៤៥។ ឈានចូលដល់វគ្គទី២ កីឡាករ YEERFAN YEZIMUJIANG បានផ្លាស់ប្តូចូលជំនួស GUO TIANYU នៅនាទី៥២ ត្រឹមតែរយៈពេលមួយនាទីបន្ទាប់ពីប្តូចូលក៏រកបានមួយគ្រាប់ភ្លាម ពោលគឺនាទី ៥៣, ៨២ នឹង ៨៥ (Hat-Trick) ធ្វើឲ្យលទ្ធផល ៦ទល់០ រក្សាដល់ចប់ការប្រកួត៩០នាទី។

បន្ទាប់ពីទទួឡជ័យជម្នះនេះ U-19 ចិន បានឈរនៅលេខ១ នៃ ពូល G ក្នុងវគ្គជម្រុះ ពានរង្វាន់យុវជនប្រចាំទ្វីបអាស៊ីអាយុក្រោម១៩ឆ្នាំ ( AFC U-19 Championship 2018) ខណៈ ហ្វីលីពីន នៅបាតតារាងដដែល៕