ជារឿងដ៍ភ្ញាក់ផ្អើលមួយ តាមរយៈ Diario Gol បានឲ្យដឹងថា​ Luka Modric នឹងចាកចេញពី Real Madrid មកកាន់ Premire League វិញនៅរដូវកាលក្រោយនេះ។

ខ្សែបម្រើដ៍ឆ្នើមមួយរូបរបស់ក្រុមយក្ស Real Madrid កំពុងតែលេចលឺនូវពត៌មាននៃការចាកចេញពីលីគកំពូលរបស់អេស្ប៉ាញ​ មកកាន់ Premire League​វិញ។​ តាមរយៈ Diario Gol ដដែលបានឲ្យដឹងថា​ លោក Florentino Perez មានបំណងចង់លក់កីឡាករវ័យចំណាស់រូបនេះដើម្បីនាំយកកីឡាករក្មេងៗត្រឡប់មកវិញ។

ជាការពិតណាស់ Modric ត្រូវបានក្រុម ២ របស់អង់គ្លេសចាប់អារម្មណ៍មាន​ Chelsea និង Arsenal កំពុងប្រជែងគ្នាចង់បានកីឡាករក្រូអាត វ័យ ៣១​ឆ្នាំរូបនេះ ទៅចូលរួមនៅរដូវកាលក្រោយ។ តម្លៃនៃការផ្ទេររបស់ Modric នៅមិនទន់ដឹងច្បាស់នៅឡើយទេ​ ខណះអ្នកគាំទ្រ Real Madrid មិនចង់បាត់បង់គេឡើយ ព្រោះកម្រមានខ្សែបម្រើណាមួយល្អជាងកីឡាកររូបនេះណាស់។

ដូច្នេះហើយ ការដោះដូរ Luka Modric ចេញពី ​Real Madrid មិនមែនជារឿងងាយស្រួលឡើយ​ ប្រសិនបើ អធិរាជស​ មិនទាន់រកបានខ្សែបម្រើឆ្នើមមកជំនួសទេនោះ។