ខ្សែប្រយុទ្ធ​ Jodie Taylor របស់អង់គ្លេស បានបង្ហាញសមត្ថភាពយ៉ាងល្អ ក្នុងការប្រកួត Woman Euro ២០១៧ នេះ ដោយអាចរកគ្រាប់បាល់បាន ៤គ្រាប់ហើយ ក្នុងការបង្ហាញខ្លួនបាន ២ប្រកួតកន្លងមក។

Jodie Taylor បានធ្វើឲ្យក្រុមជម្រើសជាតិអង់គ្លេស កក់កៅអីឡើងទៅកាន់វគ្គបន្ទាប់ ក្រោយពីយកឈ្នះអេស្ប៉ាញ ២-០ ក្នុងការប្រកួតលើកទី២ ពូល D។ អង់គ្លេស បានយកឈ្នះការប្រកួត ២ប្រកួតជាប់គ្នាហើយ ដោយការប្រកួតលើកទី១ កាលពីថ្ងៃពុធ សប្តាហ៍មុន យកឈ្នះ ស្កុតលែន ៦-០ និងបន្តឈ្នះក្រុមអេស្ប៉ាញកាលពីម្សិលមិញ ២-០ បន្តទៀត ខណៈនៅសល់១ប្រកួតទៀត អង់គ្លេស មិនភ័យព្រួយឡើយ ព្រោះថាចាញ់ ឬឈ្នះមិនសំខាន់នោះទេ។ គួរបញ្ជាក់ផងដែរថា ក្នុងជ័យជម្នះ ៦-០ លើក្រុមស្កុតលែន ខ្សែប្រយុទ្ធ Jodie Taylor ស៊ុតបាន ៣គ្រាប់ និងរកបាន១គ្រាប់ទៀត ក្នុងការប្រកួតជាមួយជាមួយអេស្ប៉ាញ។

សរុបមកវិញ Jodie Taylor រកបាន៤គ្រាប់ហើយ ដោយមិនទាន់មានកីឡាការនីរូបណា រកគ្រាប់បានបានដូចនៅឡើយទេ ក្នុងព្រឹត្តិការណ៍ Woman Euro ២០១៧ នេះ។ នេះគឺជាសមត្ថភាពដ៍អស្ចារ្យរបស់ Jodie Taylor ដែលបានធ្វើឲ្យពិភពបាល់ទាត់អង់គ្លេស កាន់តែល្បីល្បាញឡើង ពីមួយឆ្នាំទៅមួយឆ្នាំ។ ដូច្នេះហើយក្រុមជម្រើសជាតិស្រ្តី របស់អង់គ្លេសកំពុងតែមានមហិច្ចតា ចង់ឈ្នះពាន Woman Euro ២០១៧ នេះយ៉ាងខ្លាំង បន្ទាប់ពីក្រុម U-21 ខាងបុរសទើបតែឈ្នះពាន Euro នាពេលថ្មីៗនេះផងដែរ។