ក្រុមយុវជនភ្នំពេញក្រោនអាយុក្រោម ១៦ឆ្នាំ បានយកឈ្នះ ក្រុមយុវជនជម្រើសជាតិអាយុក្រោម ១៥ឆ្នាំ ដោយលទ្ធផល ២ទល់០ កាលពី ថ្ងៃសៅរ៍​ ទី​ ១៣​ ខែឧសភា នៅលើទីលាននៃកីឡដ្ឋាន RSN ក្នុងជំនួបមិត្តភាព។

២គ្រាប់ របស់ក្រុមម្ចាស់ផ្ទះ ភ្នំពេញក្រោន រកបានដោយកីឡាក លឹម ពិសុទ្ធ ម្នាក់ឯង នៅនាទីទី​​ ៣២ និង ៣៧ ក្នុងវគ្គទី១ ហើយលទ្ធផលនេះរក្សារហូតចប់ការប្រកួត។

ការប្រកួតនេះគឺដើម្បីឲ្យលោកគ្រូបង្វឹក Lee Tae-Hoon ធ្វើការជ្រើសរើសកីឡាករដែលមានសមត្ថភាពដើ់ម្បីបញ្ចូលក្នុងក្រុមជម្រើសជាតិយុវជនអាយុក្រោម ១៥ឆ្នាំ ដែលនឹងតំណាងប្រទេសកម្ពុជាសម្រាប់ការប្រកួតនៅប្រទេសថៃ នាពេលខាងមុខនេះ៕