Talk Sport បានបង្ហើបឲ្យដឹងថា​ ខ្សែបម្រើប្រយុទ្ធស្លាប Gareth Bale នឹងចាកចេញពី Real Madrid នៅរដូវក្តៅនេះមកកាន់ Premire League វិញ។

កីឡាករសញ្ជាតិវែលរូបនេះ ហាក់មិនសូវល្អប្រសើរសោះនៅរដូវកាលនេះ​ដោយសារតែរូបគេ បានញ៉ាំញីជាមួយនឹងបញ្ហារបួសមិនចេះចប់មិនចេះហើយ​ជាហេតុធ្វើឲ្យកីឡាករវ័យក្មេងដូចជា​ Lucas និង​ Asensio ដណ្តើមតំណែង១១នាក់របស់រូបគេ។ ជាក់ស្តែងណាស់ បើតាមការចុះផ្សាយរបស់ Talk Sport កីឡាករវ័យ ២៧ រូបនេះនិងចាកចេញទៅ Premire League ​វិញ ដែលជាប្រភពកំណើតនៃភាពល្បីល្បាញរបស់ខ្លួន។

ចំពោះការមកកាន់ Premire League វិញ Gareth Bale ប្រហែលជាមិនទៅចូលរួមជាមួយក្លិបចាស់របស់គេទេ (Tottenham)​ និងក្រុមជើងឯក Chelsea ឡើយ ។ Bale អាចនឹងមកចូលរួមជាមួយ​បីសាចក្រហម Manchester United ដែលកំពុងតែចំណាយលុយធំ ទិញកីឡាករឆ្នើមៗជាច្រើនរូប។

យ៉ាងណាមិញ នៅមិនទាន់ច្បាស់ការណ៍នៅឡើយទេ ព្រោះរដូវកាលដោះដូរកីឡាករមិនទាន់មកដល់ ដូច្នេះហើយ ពិត ឬមិនពិតត្រូវរង់ចាំតាមដានទាំងអស់គ្នា។​