ព័ត៌មានកីឡា

Laliga កំពុងរង់ចាំ Real Madrid គ្រងជើងឯកឆ្នាំនេះ

ក្រុមអធិរាជស Real Madrid ធ្វើបានយ៉ាងល្អកាលពីយប់មិញនេះ ដោយយកឈ្នះលើក្រុមម្ចាស់ផ្ទះ Celta Vigo ៤-១ ជ័យជម្នះលើកនេះ​ បានធ្វើឲ្យក្រុម Real Madrid ឡើងមកឈរកំពូលតារាងបណ្តោះអាសន្នសិន ដោយរង់ចាំ ១ប្រកួតចុងក្រោយនៅថ្ងៃអាទិត្យនេះ។

៤​ គ្រាប់របស់ Real Madrid រកបានដោយ​ ខ្សែបម្រើប្រយុទ្ធ Cristiano Ronaldo ២​គ្រាប់ នៅនាទីទី ១០​និង៤៨, Karim Benzema នៅនាទីទី ៧០​ និងគ្រាប់បាល់ទី ៤​ រកបានដោយ​ Toni Kroos នៅនាទីទី៨៨ ចំណែកក្រុមម្ចាស់ផ្ទះ Celta Vigo វិញរកបានត្រឹមមួយគ្រាប់ តាមរយ:ការស៊ុតបញ្ចូលទីរបស់កីឡាករ Guidetti នៅនាទីទី ៧០​ស្របពេលដែល កីឡាករ Aspa ទទួលបានកាតក្រហមនៅនាទីទី ៦២។

គិតត្រឹម ៣៧ប្រកួតកន្លងមកនេះ Real Madrid មាន ៩០ពិន្ទុ ឈរកំពូលតារាង ដោយនាំមុខក្រុម Barcelona ត្រឹម ៣ពិន្ទុប៉ុណ្ណោះ។ ការប្រកួតផ្តាច់ព្រ័ត្រនៅសប្តាហ៍នេះ Real Madrid ត្រូវទៅលេងនៅដីក្រុម Malaga ខណះ Barcelona ទទួល Eiber​​ ដែលក្រុមទាំង ២ត្រូវការឈ្នះដូចៗគ្នា។

ប្រកួតចុងក្រោយរបស់ Real Madrid មិនចាំបាច់ឈ្នះ​ ក៍បានដែរ Real សុំត្រឹមស្មើក៍អាចគ្រងជើងឯក Laliga ឆ្នាំនេះដែរ៕

មតិយោបល់