ជ័យជម្នះ ២-០​លើក្រុម Saint- Entienne កាលពីយប់មិញបានធ្វើឲ្យ Monaco ​ដណ្តើមបានពានរង្វាន់លីគកំពូលរបស់បារាំង ត្រឡប់មកវិញក្រោយខកខាន ១៧ឆ្នាំកន្លងមក។

ថ្វីបើនៅសល់ ១ប្រកួតទៀតមែន តែ Monaco បានលើកពាន League 1​ ហើយដោយសារពិន្ទុរបស់ក្រុមមួយនេះដាច់ពីក្រុម​តាមពីក្រោយ Paris Saint Germain ​រហូតដល់ទៅ ៦ពិន្ទុ។ ជ័យជម្នះយប់មិញនេះ គឺធ្វើបានដោយខ្សែប្រយុទ្ធ Mbappe នៅនាទីទី ១៩​ និង Germain នៅនាទីទី ៩០។

សរុបមកទល់ពេលនេះ Monaco បានឈ្នះពាន League 1 ចំនួន ៨លើកមកហើយ ដែលជាការព្យាយាមបានល្អរបស់ក្លិប ហើយនិងធ្វើពិធីលើកពាន នៅចុងសប្តាហ៍នេះ ក្រោយការប្រកួតចុងក្រោយនៃលីគកំពូលរបស់បារាំង។