ថ្វីបើ ក្លិប Barcelona ខកខានឈ្នះពាន Laliga រដូវកាលនេះក៍ដោយ ក៍ប៉ុន្តែខ្សែប្រយុទ្ធ Lionel Messi បានឈ្នះស្បែកជើងមាសជាលើកទី ៤។

៣៧ គ្រាប់ របស់ Lionel Messi បានធ្វើឲ្យកីឡាកររូបនេះឈ្នះពានស្បែកជើងមាសនៅ Laliga ជាថ្មីម្តងទៀត។ Messi បាននាំមុខ Cristiano Ronaldo សារជាថ្មី ដោយកីឡាកររូបនេះ មានឱកាសឈ្នះជាលើកទី ៤ ចំណែក Ronaldo បានត្រឹម ៣ ដងប៉ុណ្ណោះ។ បើប្រៀបធៀបទៅនឹងគ្រាប់បាល់ ដែល Luis Suarez ឈ្នះកាលពីរដូវកាលមុន គឺមានចំនួនតិចជាង ៣គ្រាប់ ក៍ប៉ុន្តែ​ Messi អាចឈ្នះស្បែកជើងមាស ដោយសារមិនមានកីឡាករណាទាត់ចូលច្រើនជាងឡើយ។ ក្នុងរដូវកាលនេះ Messi ស៊ុតបាន ៣៧ គ្រាប់ ខណះមិត្តរួមក្រុម Luis Suarez ស៊ុតបាន ២៩ គ្រាប់ និង Cristiano Ronaldo ស៊ុតបាន ២៥ គ្រាប់។

ខាងក្រោមនេះជា ពេលវេលាដែល Lionel Messi ឈ្នះស្បែកជើងមាសនៅ Laliga
រដូវកាល 2009-2010 ស៊ុតបាន ៣៤ គ្រាប់
រដូវកាល 2011-2012 ស៊ុតបាន ៥០ គ្រាប់
រដូវកាល 2012-2013 ស៊ុតបាន ៤៦ គ្រាប់
រដូវកាល 2016-2017 ស៊ុតបាន ៣៧ គ្រាប់