ខ្សែបម្រើប្រយុទ្ធអេស្ប៉ាញ Juan Mata បានបដិសេធ មិន​ផ្លាស់ទៅលេងនៅលីគកំពូលរបស់​ប្រទេសចិនឡើយ​ បើទោះបីជា លុយដ៍សម្បើមកំពុងរង់ចាំរូបគេក៍ដោយ។

ថ្វីបើ កីឡាករ Juan Mata មិនស្ថិតក្នុងជម្រើស ១១នាក់ដំបូង របស់លោក Jose Mourinho នៅបីសាចក្រហម Manchester United ក៍ដោយ​ តែកីឡាករអេស្ប៉ាញ រូបនេះ​ នៅតែមិនព្រមចាកចេញពី Old Trafford ឡើយ។ ជាការពិតណាស់ Mata ត្រូវបាន​ក្លិបធំៗនៅចិន មួយចំនួនយល់ព្រមចាយលុយធំ​ ដើម្បីទាក់ទងកីឡាកររូបគេ ឲ្យទៅលេងនៅប្រទេសចិន។ យ៉ាងណាក៍ដោយ Mata មិនយល់ព្រមក្នុងការផ្លាស់ទៅកាន់ ប្រទេសចិនឡើយ ព្រោះថាកីឡាកររូបនេះ ចង់បន្តអាជីព របស់គេនៅតំបន់​​អឺរ៉ុបជជាង ការយកអនាគត់ទៅបោះបង់ចោល នៅប្រទេសចិន។

ម្យ៉ាងវិញទៀត មួយរយ:ចុងក្រោយនេះ Mata បានចូលលេងច្រើន ឲ្យបីសាចក្រហម Manchester United ហើយ Mata ក៍រកគ្រាប់បាល់​​បានមួយចំនួនផងដែរ ដែលអាចធ្វើឲ្យរូបគេ មានឱកាសច្រើនក្នុងការប្រជែង ១១នាក់ដំបូង។ ជាងនេះទៅទៀត Mata កំពុងតែស្រវ៉ាចាប់យក​ ការលេងនៅ Champion League ដែលរូបគេ ចង់ឈ្នះយ៉ាងខ្លាំង ជាមួយបីសាចក្រហម នៅរដូវកាលនេះ។

ដូច្នេះហើយ Juan Mata នឹងមិនចាកចេញពីក្រុមបីសាចក្រហម Manchester United ដើម្បីទៅលេងនៅចិន ដែលចាយលុយ​ច្រើន ដើម្បីរូបគេឡើយ ព្រោះថា Mata ចង់បន្តអាជីពនៅតំបន់​អឺរ៉ុប ដែលពោរពេញទៅដោយការប្រកួតប្រជែង។