ខ្សែប្រយុទ្ធដ៍ឆ្នើមរបស់ក្រុមបីសាចក្រហម Manchester United កីឡាករ Wayne Rooney មិនជាប់ឈ្មោះក្នុងបញ្ជីក្រុមជម្រើសជាតិអង់គ្លេសឡើយ។

បើតាមលោក Gareth Southgate គ្រូបង្វឹករបស់ក្រុមជម្រើសជាតិអង់គ្លេសបាននិយាយថា Rooney មិនស្ថិតក្នុងបញ្ជីរបស់គាត់ឡើយ។ ការលើកឡើងបែបនេះ គឺដោយសារតែទម្រង់លេងរបស់កីឡាករវ័យ ៣១ ឆ្នាំរូបនេះ បានធ្លាក់ចុះយ៉ាងខ្លាំង បើប្រៀបធៀបជាមួយនឹងកីឡាករផ្សេងៗ។ ជាក់ស្តែងណាស់ក្នុងរដូវកាលនេះ Rooney ទើបតែបង្ហាញខ្លួនបាន ១៥ ប្រកួតប៉ុណ្ណោះនៅ Premire League ក្រោមការដឹកនាំរបស់លោក Jose Mourinho ។

ដោយសារតែកីឡាករក្មេងៗជំនាន់ក្រោយ ដូចជា Adam Lallana និង Deli Alli កំពុងតែមានទម្រង់លេងយ៉ាងល្អ ចំណែកនៅតំបន់ប្រយុទ្ធវិញ Marcus Rashford , Harry Kane និង Jemie Vardy សុទ្ធសឹងមានទម្រង់លេងយ៉ាងល្អ ជាហេតុធ្វើឲ្យតំណែងរបស់ Rooney​ ត្រូវបាត់បង់។