ក្រុមអធិរាជស Real Madrid បានបង្កើតនូវកំណត់ត្រាថ្មី ដែលអសចលើកពាន Champion League ២ ឆ្នាំជាប់ៗគ្នា ក្រោយពីការផ្លាស់ប្តូរឈ្មោះតាំងពីឆ្នាំ ១៩៩២មក។

ជ័យជម្នះ ៤ទល់១ លើក្រុមខ្លាំង Juventus កាលពីយប់មិញនេះ បានបង្កើតនូវសករាជថ្មីសម្រាប់ក្រុម Real Madrid ដែលបង្កើតនូវកំណត់ត្រា មិនចេះចប់។ ខណៈដែល ៤ គ្រាប់របស់ Real Madrid រកបានដោយ Cristiano Ronaldo ២ គ្រាប់នៅនាទីទី ២០ និង ៦៤, ការស៊ុតបាល់ពីចម្ងាយយ៉ាងអស្ចារ្យដោយ Casemiro នៅនាទីទី​ ៦១ និងការស៊ុតបាល់ចុងម៉ោងរបស់កីឡាករបម្រុង Marco Asensio នៅនាទីទី ៩០ ស្របពេល Juventus រកបានត្រឹម ១ គ្រាប់ដោយកីឡាករ Mandzukic នៅនាទីទី ២៧។ នេះគឺជាការឈ្នះពាន២ឆ្នាំជាប់ៗគ្នារបស់ក្រុមយក្ស Real Madrid ដែលក្លិបអេស្ប៉ាញមួយនេះ បានបំបែកកំណត់ត្រាថ្មី នៃការឈ្នះពាន ២ ឆ្នាំជាប់ៗគ្នា ក្រោយពីប្តូរឈ្មោះមក UEFA Champion League កាលពីឆ្នាំ ១៩៩២ មក។ ដូច្នេះហើយ Real Madrid នឹងក្លាយជាក្រុមជើងឯកជាលើកទី ១២ ក្នុងប្រវត្តិសាស្ត្ររបស់ក្លិប។

គួរបញ្ជាក់ផងដែរថា នៅក្នុងរដូវកាលនេះ Real Madrid បានឈ្នះពានចំនួន ២រួមមាន Laliga និង Champion League ដែលជាជោគជ័យដ៍ធំរបស់ក្រុមជើងខ្លាំងមួយនេះ។