បន្ទាប់ពីការចុះផ្សាយ យ៉ាងច្រើនកន្លងមកទាក់ទងទៅនឹង ការមិនសប្បាយចិត្តេបស់ខ្សែប្រយុទ្ធ Cristiano Ronaldo ក្នុងការបន្តនៅអេស្ប៉ាញរួចមក លោក Florentino Perez កំពុងតែធ្វើការពិចារណាលើតម្លៃលក់ចេញ នៃខ្សែប្រយុទ្ធវ័យ ៣២ឆ្នាំរូបនេះ។

បើតាមកាសែត Marca បានឲ្យដឹងថា ប្រធានក្លិប Real Madrid លោក Florentino Perez បានយល់ព្រមក្នុងការលក់ខ្សែប្រយុទ្ធ Cristiano Ronaldo ហើយ។ នៅក្នុងនោះដែរ Marca បានដកស្រង់សម្តីរបស់លោក Perez ថា ក្លិបហាក់មិនចង់បាត់បង់កីឡាករឆ្នើមរូបនេះឡើយ ក៍ប៉ុន្តែក្លិប ក៍មិនអាចយល់មនោសញ្ចេតនាបុគ្គល ដោយរំលងច្បាប់បានដែរ។ ម្យ៉ាង គេចង់ចាកចេញទៅហើយ យើងមិនអាចឃាត់គេបានទេ មានតែជម្រុញឲ្យគេ ធ្វើនូវអ្វីដែលគេចង់ធ្វើប៉ុណ្ណោះ។ ជាក់ស្តែងណាស់ ក្រោយពីការសម្រេចយល់ព្រមឲ្យ Cristiano Ronaldo ចាកចេញនេះដែរ លោក Florentino Perez បានប៉ាន់ប្រមាណនូវតម្លៃខ្លួន ដែលក្លិបត្រៀមលក់ Ronaldo ក្នុងពេលខាងមុខនេះ។

តម្លៃ ដែលលោក បាននិយាយនោះ លោក Perez បានប្រាប់ទៅ Marca ថា តើក្លិប គួរលក់ Ronaldo ក្នុងតម្លៃណា៖
១០០ លានអឺរ៉ូ
១០០-១៥០លានអឺរ៉ូ
១៥០-១៨០លានអឺរ៉ូ
១៨០-២០០លានអឺរ៉ូ
នេះគឺជាតម្លៃ​ ដែកប្រធានក្លិប Real Madrid រូបនេះ បានចោទសួរទៅកាន់បណ្តាញសរពត៌មាន។ បើតាមការអះអាងចុងក្រោយរបស់លោក Perez ប្រហែលជាតម្លៃ ២០០លានអឺរ៉ូ ដែលក្លិបត្រៀមលក់ Ronaldo ហើយក្លិបដែលចាប់អារម្មណ៍ក្នុងតម្លៃនេះ ប្រាកដជា Manchester United និង Paris Saint Germain ដែលចិញ្ចឹមចិត្តចង់បានតារាឆ្នើមរូបនេះ។